काठमाडौं, १६ मंसिर :-  नेपालमा जारी १३औं दक्षिण एसियाली खेलकुद प्रतियोगिता (साग)मा नेपालले पहिलो पदकका रूपमा रजत पदक जितेको छ ।

करातेको महिला व्यक्तिगत कातामा चञ्चला दनुवारले रजतपदक हात पारेकी हुन् । उनी साे खेलमा स्वर्ण जित्नबाट भने चुकिन् । फाइनलमा चञ्चला पाकिस्तानकी साइदासँग पराजित भएर रजतमा चित्त बुझाउनु परेकाे हाे ।

साइदाले २५.२८ अंक ल्याएर स्वर्ण जित्दा चञ्चलाले भने २४.६२ अंक ल्याएर रजत हात पारिन् । उनी समूह चरणकाे खेलमा बंगलादेशकी हुमारा अन्तरा र भुटानकी सोनाम ल्हामोलाई पछि पार्दै फाइनलमा पुगेकी थिइन् । साे खेलमा श्रीलंकाले कास्य पदक जितेको छ ।