पोखरा :-   पोखरा महानगरपालिका–२० मौजामा नाली खन्ने क्रममा पुरिएर ५ जनाको मृत्यु भएको छ । ढिस्को पुरिएर मृत्यु हुने सबै एकै गाउँका हुन् ।

सडकको नाली खन्ने क्रममा पुरिनेमा खिमलाल ओली, गणेश ओली, बिजबहादुर बस्नेत, जोगेन्द्र बुढाथोकी, र दोभान बस्नेत रहेको वडाध्यक्ष सिम गुरुङले जानकारी दिए ।

नाली खन्ने क्रममा एक्कासी ढिस्कको खसेर उनीहरु पुरिएका थिए । नाली खन्न मजदुर ७ मध्ये एकजना भागेर बाँच्न सफल भएका छन् ।

उनलाई सामान्य चोट लागेको वडाध्यक्ष गुरुङले  जानकारी दिए । भागेर बाँच्न सफल भएका खिमलाल बस्नेत हुन् ।

पुरिने मजदुर सबै सल्यानको बागचौर नगरपालिका–४ पेदीखोला स्थायी ठेगान भई हाल पोखरामा मजदुरी गर्दै आईरहेका थिए ।

पुरिएका ५ मध्ये तोभान बस्नेत, खिमलाल बस्नेत र गणेश ओलीको शव झिकीसकेको वडाध्यक्ष गुुरुङले जानकारी दिए । उद्दारका लागि सशस्त्र प्रहरी र आर्मी पनि खटिएको छ ।

बाँकी २ को शव निकाल्ने क्रम जारी छ ।