कोहलपुर \कोहलपुर नगरपालिकाको प्राङ्गढमा बाँके क्षेत्र नं.१ का  संघिय सांसद सुर्य प्रसाद ढकाललाई  ठेला  व्यवसायीहरुले ज्ञापन पत्र पेश गरेका हुन् । सडक किनारबाट विस्थापित भएका उनीहरुले बैकल्पिक स्थानको माग गर्दै ढकाललाई ज्ञापन पत्र पेश गरेका हुन ।

सांसद सुर्य प्रसाद ढकालले  ज्ञापन पत्र बुझ्दै  समस्याको समधानका लागि आफु कटिबद्ध रहेको बताएका छन् । पछिल्लो समय केही जनप्रतिनिधिहरु ब्नाउने भन्दा पनि भत्काउने तिर अग्रसर हुँदै गएको उल्लेख गरे ।

भत्काउने संस्कार प्रति आफु चिन्तित रहेको बताउँदै उनले यस विषयमा गम्भिर हुन आवश्यक रहेको बताए । उनले आफुपनि भुईमान्छे भएको स्मरण गर्दै ब्यबसायीहरुको पिडा आफुले बुझेको औंल्याउदै सामुहिक छलफलले नै समस्याको समाधाण गरिने धारणा राखे । नगर प्रमुख पूर्ण प्रसाद आचार्य लगायत स्थानिय सरकार, प्रदेश सांसद, संघिय सांसद र राजनैतिक दलका प्रतिनिधिहरु बसेर सामुहिक छलफल गरि उपयुक्त स्थान दिई यस बिषयलाई निकास दिने आश्वासन दिएका छन् । ढकालले व्यवसायीहरुको रोजिरोटी कुनै पनि हालतमा कसैले खोस्न नहुने बताए ।

उनले व्यवसायीहरुलाई बैकल्पिक स्थानको माग तुरुन्त दिन नगरपालिकालाई समेत आग्रह गरेका छन् । उनले रोजगारीलाई बेरोजगार गराउन नहुने बताए । गरि खानेलाई गरि खान दिनु आफ्नो धर्म भएका कारण चाडो भन्दा चाडो व्यवसायीको माग अनुसारको व्यवस्थापनमा लाग्न नगरपालिकालाई सुझाव दिए । कोहलपुर नगर क्षेत्रमा फुटपातमा आफनो ब्यापार ब्यबसाय गर्दै आएका व्यापारीहरु आक्रोशित भएका छन । उनीहरुले आफुहरुको ब्यबसायलाई २०७९ असार १ गतेदेखि नबिकरण नगरेर बिकल्पबिना ब्यबसाय गरिरहेको ठाउबाट उठाईएको भन्दै आक्रोशित भएका हुन ।

उनीहरुले ब्यबसाय गर्न लाग्दा नगर प्रहरीले ज्याजती गर्दै अपमानित शब्द प्रयोग गर्ने गरेको भन्दै आफनो रोजिरोटि समेत खोसिएकाले आज नगरपालिकामा आफनो माग सम्बोधन गराउन आईपुगेको बताए । आफैले जिताएर पठाएका जनप्रतिनिधिहरुले अझै पनि महिला शशक्तिकरणका भाषण गर्न नछोडेको तर गरि खाने बर्गलाई उपेक्षा हुनेगरि अपाएक ठाउँमा ब्यवसाय गर्न भनेको प्रति आपत्ति जनाउदै ठेला ब्यबसायी ज्योति परीयारले नगरपालिकाले मान्छेको चहलपहल हुने ठाउमा ब्यबस्थापन गरिनुपर्ने बताईन ।

ज्ञापन पत्रमा कोहलपुर हुलाक कार्यालयको पश्चिमतर्फ महोत्सव लाग्ने फिल्ड र लाहुरे कटेजको पश्चिम बसपार्क सम्म आफुहरुलाई ब्यबस्थापन गर्न भनेका छन ।