बाँके\नेपालगञ्ज उपमहानगरपालिका वडा नम्बर ९ शान्तिनगरका दिवश शाहले जीवन रक्षाका लागि सबैसँग आग्रह गरेका छन। विगत १० महिनादेखि ढाड र टाउकोको क्यान्सरसँग संघर्ष गरिरहनुभएका शाहले रकम अभावका कारण उपचारमा समस्या भएपछि जीवन रक्षाको आग्रह गरेका छन।

‘परिवार र आफन्तसँग भएको रकम अहिलेसम्मको उपचारमा सकियो, थप उपचारका लागि रकम अभाव भएको छ, तपाईंहरुको सहयोग र माया पाएँ भने मैले पुनर्जन्म पाउनेछु,’उनले अपिलमा भन्नुभएको छ, ‘पुनर्जन्म पाएँ भने तपाईंहरुले लगाएको गुण तिर्ने प्रतिबद्धता जनाउँछु ।’

भारतको दिल्लीस्थित राजिव गान्धी क्यान्सर अस्पतालमा हाल उनले उपचार भइरहेको छ । उपचारमा ४५ लाख रुपियाँ खर्च भइसकेको शाहकी पत्नी निशा सिंहले जानकारी गराएका छन।

रकम अभावमा उपचारमा समस्या देखिएकाले पतिको जीवन रक्षाका लागि सक्दो आर्थिक सहयोग गरिदिन उहाँले सबैसँग आग्रह गरेका छन। यसैबीच, शान्तिनगरबासीले दिवश शाहको उपचारमा सहयोग गर्न रकम संकलन अभियान थालेका छन् ।  कम संकलन अभियान थालेका शान्तिनगरका शिवराज पौडेलको भनाइ छ ।

एकजनाले दिएको थोरै रकमले कसैको ज्यान जोगिने भएकाले अभियान सञ्चालन गरेको स्थानीयले जनाएका छन् ।