डुडुवामा अवैध उत्खनन् गरिरहेको जेसिबी र टिपर प्रहरीको नियन्त्रणमा

बाँके\बाँकेको डुडुवा गाउँपालिकाको खोला छेउबाट अवैधरुपमा बालुवा खन्दै गरेको जेसिबी र टिपरलाई शनिवार राती १० बजे प्रहरीले नियन्त्रणमा लिएको छ ।
डुडुवा गाउँपालिका वडा नं. २ बेतहनीदेखि सन्तलिया जाने बाटोस्थित सेमरा भारी भन्ने स्थानमा अवैधरुपमा बालुवा खनिरहेको एक टिपर र एक जेसिबीलाई शनिवार राती नियन्त्रणमा लिइएको इलाका प्रहरी कार्यालय बेतहनीका असई मोहनकुमार भडेलले जानकारी दिए ।
जिल्ला प्रहरी कार्यालयबाट हुने निर्देशनअनुसार पक्राउ परेका साधनलाई जिल्ला समन्वय समितिको कार्यालयलाई बुझाउने वा जिल्ला पठाइने असई भडेलले बताए ।
प्रतिक्रिया दिनुहोस्