कोहलपुर\बाँके क्षेत्र न १ का प्रतिनिधि सभा सदस्य सुर्य ढकालले कोहलपुरका अतिक्रमित जमिन र्फिता हुनु पर्ने बताएका छन।
शनिबार आज कोहलपुरका पत्रकारहरु सँग कुरा गर्दै ढकालले समग्र कोहलपुरको विकासका लागि सरकारी अतिक्रमित भूमि र्फिता हुनु पर्ने बताएका हन।

ढकालको संकेत कोहलपुर क्रिकेट मैदानको अतिक्रमिति भूमि देखिन्छ ।

ढकालले समग्र बाँकेको विकासमा बाँके बाट निर्वाचित सांसदहरुको भेला आयोजना गर्दै नीतिगत तथा विकासका सम्भावनामा एकरुपता दिन आफुले पहल गर्ने समेत बताएका छन।

उनले बाँकेको आर्थिक तथा सामानिक रुपान्तरण गर्नाका लागि सबैको साझा अवधारण हुनेमा आफु ढुक्क रहेको समेत बताए । उनले बाँकेमा रोजगार निमार्ण गर्नाका लागि बाँके नौवस्ता औद्योगिक निमार्ण र बैजनाथ गाउँपालिका स्थित गाभर भ्यालीको स्तर उन्नती गर्न
सकिने बताए ।

बाँकेको नरैनापुर गाउँपालिकाको विकासमा युवा सम्मेलन गर्ने र युवाहरुका सवालहरुमा काम गर्ने उदेश्य लिएको ढकालले बताए ।
उनले बाँकेलाई अन्तरप्रदेश सँग जोड्न सरकारी तहमा नीतिगत सुधार र समन्वयन गर्नाका लागि आफु प्रतिवद्ध रहेको समेत बताएका छन।

निर्वाचनमा बाँकेका सबै पत्रकारहरुको साथ सहयोग रहेको औल्याउदै यस्तै साथ सहयोगको अपेक्षा अबका ५ वर्ष सम्म रहेको  बताए । उनले समग्र संचारको विकास गर्नाका लागि उद्योग व्यापार संघ ,स्थानीय सरोकारवाला सँग समन्वय गर्ने पनि बताएका छन। पत्रकार भेटघाटमा उनले समग्र बाँकेको विकासमा सल्लाह सुझाव दिन समेत आग्रह गरे ।

उनले आफुले बाँकेको विकासमा ५ वर्ष संसदमा बोल्ने आवाज भूम मान्छेहरुको जीवन रुपान्तरण र अहिलेको बाँके नभएर २० वर्ष पछिको बाँकेको विकास सम्मको सन्तुलन हुने सक्ने सुझान दिन आग्रह गरेका हुन।