कोहलपुर\कोहलपुर नगरपालिका मेयर पूर्ण प्रसाद आचार्यले स्थानीय संघ संस्थाहरुको सहकार्य तथा समन्वयनमा समग्र कोहलपुरको विकास हुने विश्वास व्यक्त गरेका छन।

आचार्यले संघर्ष दलित महिला तथा ऋण सहकारी संथा लिमिटेडले आज १६ औँ बार्षिक साधरण सभाको उद्घाटन गर्दै उक्त कुरा बताएका हुन।

मेयर आचार्यले संघर्ष दलित महिला तथा ऋण सहकारी संस्थाको प्रगति तथा सफल कार्यकालको शुभकामना समेत
व्यक्त गरे । उनले जातिय विभेदको अत्य सरकारको मुख्य दाहित्व रहेको बताउदै समग्र कोहलपुरको विकास स्वाभिमानी साझा फुलबारी आम नागरिकहरुको अपेक्षा अनुरुप काम गर्न स्थानीय सरकार प्रतिवद्ध रहेको बताए ।

त्यसै गरी कार्यक्रममा कोहलपुर नगरपालिका आर्थिक विकास समिति संयोजक तथा संस्थाका बरिष्ठ सल्लाहाकार ईश्वरी बि क ले विद्यमान असहज वातावरणमा संस्थाका पदाधिकारी, कर्मचारी , शेयर सदस्य र मुख्य रुपमा संस्थाको व्यवस्थापन पक्षले कार्य सम्पादन, आत्मविश्वास, परिश्रम र मिहेनतलाई निरन्तरता दिन आग्रह समेत गरेका थिए ।

संस्थाले  आर्थिक वर्ष २०७८\०७९मा संस्थाले १२ करोड ४३ लाख ९१ हजार ८ सय ६२ रुपैयाको कारोबार गरि ३० लाख ८५ हजार ७ सय ७० रुपैया खुद मुनाफा गरेको जानकारी गराइएको थियो ।  १६ औँ बार्षिक साधारण सभाको अध्यक्ष शितला परियारको अध्यक्षतामा गरिएको थियो ।