बाँके/  बाँकेमा बोरामा राखिएको मासुलाई बरामत गरेको छ ।

१३ वटा बोरामा रहेको बोनलेस छाला रहित मासु बरामत गरि इलाका प्रहरीले आफ्नो कार्यालयको परिसरमा खाल्टो खनेर नष्ट गरेको हो ।

झण्डै ६ कुइटल ५० केजि बढि मासु रहेको इलाका प्रहरी कार्यालय धनौलीले जनाएको छ । बर्षौदेखि बाँकेको खजुरा रनियापुर क्षेत्रमा गाईको मासु काट्ने र कोहलपुर, नेपालगन्जका होटलहरुमा विक्रि गर्ने गरेको स्थानिय बताउँछन ।

गाईको मासु हो या होइन भनेर ल्याव परिक्षणको लागि ल्यावमा पठाइएको इलाका प्रहरी कार्यालय धनौलीका इन्चार्ज प्रहरी निरिक्षक प्रेम प्रसाद रेग्मीले जानकारी दिए ।

गाई ÷गोरु दैनिक काटिने तर कार्वाही केहि नहुँदा यो समस्या नरोकीएको स्थानिय बताउँछन ।

गाउँमा यसको विरुद्ध बोल्न पनि डर छ त्यसैले कोहि केहि भन्दैनन् । बेवारिसे अवस्थामा फेला परेको रिक्सा सहितको मासुको बारेमा थप अनुसन्धान भैरहेको प्रहरी निरिक्षक रेग्मीले जनाए ।