नेपालगञ्ज÷नेपाल उद्योग वाणिज्य महासंघ केन्द्रिय सदस्य चक्र बहादुर अधिकारीले केही महासंघका पदाधिकारीहरु मुलुकभरका व्यवसायीहरुलाई सडकमा ल्याउने प्रयास गरेको भन्दै नेतृत्वको कडा आलोचना गरेका छन् । बैंक तथा वित्तीय संस्था सञ्चालकहरु महासंघको प्रमुख नेतृत्वमा रहेको फाइदा उठाउँदै अर्थमन्त्री र राष्ट्र बैंक गभर्नरसँगको सेटिङमा बैंक बित्तीय संस्थाहरुलाई ४९ प्रतिशत नाफा गर्दा पनि तरलता देखाउँदै बैधानिक रुपमा लुट मच्चाइरहेको आरोप लगाएका छन् ।

कोहलपुर उद्योग बाणिज्य संघले राष्ट्र बैंक नेपालगञ्ज अगाडि गरेको बिरोध सभा तथा धर्ना कार्यक्रमलाई सम्बोधन गर्दै केन्द्रिय सदस्य अधिकारीले बैंकले ४९ प्रतिशत सम्म नाफा गर्दा पनि तरलता देखाउदै ६ प्रतिशतको ब्याजलाई १७ प्रतिशत सम्म पुर्याएर ब्यवसायीहरुको ढाड सेकेको भन्दै ब्यापारीहरुले २० प्रतिशत नाफा खादा कालो बजारी गरेको संग्या दिने सरकार कानमा तेल हालेर ठुला ब्यापारीसंग साठगाठ गरिरहेका आरोप लगाएका हुन् । बैङ्क तथा वित्तीय संस्थाहरूले आर्थिक तरलताको चाप देखाउँदै अप्रत्याशित रूपमा ब्याजदर बढाउँदा मुलुकभरका व्यवसायी धरासयी बनिरहेको सन्दर्भमा महासंघको जिम्मेवार पदमा रहेका पदाधिकारी आफू अनुकुलको व्यवसायीक मुनाफा बढाउन उद्दत रहेको पाइएकाले तत्काल नेतृत्वको राजिनामा समेत माग गरेका छन् । गर्भनर र बैंकर्सहरुसंग मिलेर सिमित पदाधिकारीहरु वैठक बसेर आन्दोलन फिर्ता लिन गरेको आग्रहको कुनै तुक नभएको बताउँदै अब हुने कडा रुपमा जिल्ला÷जिल्लाबाट हुने आन्दोलन र प्रदर्शनहरु नरोकिने स्पष्ट पारे ।

धर्ना तथा विरोध सभालाई सम्बोधन गर्दै उद्योग वाणिज्य महासंघ लुम्बिनी प्रदेश सदस्य नरेन्द्र प्रसाद शर्माले आम साना व्यवसायीहरु धरासायी बनाउ उद्दत रहेको महासंघको सिमित नेतृत्व र अर्थमन्त्री एवम् राष्ट्र वैंकका गभर्नरले आफूहरुको आन्दोलनलाई सामान्य रुपमा लिन खोजेमा परिणाम भयाभय हुने बताए । बैंक तथा वित्तीय संस्थाहरुले अस्वभाविक रुपमा बृद्वि गरेको ब्याजदर र नेपाल राष्ट्र बैंकले जारी गरेको चालु पूजी कर्जा निर्देशिका २०७९ परिमार्जन नभएसम्म आन्दोलन नरोकिने भन्दै उनले शान्तिपुर्ण धर्ना ज्ञापनपत्र मात्र पेश गरेर चेतावनी दिएको आफूहरुको माग सम्बोधन नभए देशभरिका ब्यापारीहरु एकै पटक सडकमा उत्रने र व्यवसायीको आन्दोलन राज्यले थाम्न नसक्ने भन्दै बेलैमा अर्थमन्त्रि स्तरीय उच्च आयोग बनाई ब्याजका दरहरु तय गर्न अनुरोध गरे ।

कोहलपुर उद्योग बाणिज्य संघका अध्यक्ष लक्ष्मणराज पौडेलले अर्थिक ‘संकटका बेलामा सबै क्षेत्रले एक अर्कालाई सहयोग गर्नुको साटो बैंकहरुले एकोहोरो पेलेको’ भन्दै भालिका दिनहरुमा सर्बसाधारण समेत सडक आन्दोलनमा आउन बाध्य पार्न लागिएको औंल्याए । राज्यको आयश्रोतको प्रमुख हिस्सा उद्योगि ब्यापारी नै भएकाले यस्तो बिषम परिस्थितीको राज्यले बेलैमा सम्बोधन नगरे राज्यले नै ठुलो क्षति ब्यहोर्नपर्नेमा जोड दिए ।
बिरोध सभा तथा धर्ना कार्यक्रममा बांके, बर्दिया अटो एसोसियटसका अध्यक्ष मन प्रसाद आचार्य, कोहलपुर उद्योगा बाणिज्य संघका पुर्व अध्यक्ष राजेन्द्र प्रसाद श्रेष्ठ , बांके चेम्बर अफ र्कर्मसका उपाध्यक्ष गोपाल प्रसाद अधिकारी लगाएतले मन्तब्य ब्यक्त गरेका थिए भने नेपाल राष्ट्र बैंकका नेपालगञ्ज प्रमुख निभा श्रेष्ठलाई कोहलपुर उद्योग बाणिज्य संघका अध्यक्ष लक्ष्मणराज पौडेलले ज्ञापन पत्र पढेर सुनाउदै हस्तान्तरण गरेका थिए ।
आन्दोलित ब्यापारी तथा ब्यबसायीहरुले आज नै बांकेका प्रमुख जिल्ला अधिकारीलाई समेत ज्ञापन पत्र बुझाएका छन । ज्ञापन पत्र बुझाउनु अगाडि उद्योगी, ब्यबसायी तथा ब्यापारीहरुले “कमिसनखोर अर्थमन्त्रि राजिनामा दे, तरलता कायम गर्न नसक्ने गर्भनर राजिनामा दे, ब्यबसायीहरुको रोजिरोटिको ज्ञारेन्टि गर , निकम्मा सरकार मुर्दाबाद” लगाएतका चर्का नाराबाजि समेत गरेका थिए