सरला सुबेदी
बाँके । आगामी मंसिर ४ गते हुने प्रतिनिधि सभा र प्रदेश सभा सदस्यको निर्वाचनको तयारिमा नेकपा एमालेका उम्मेदवार जनताको घरदैलोमा विभिन्न अभियान सहित पुगेका छन् ।

मङ्गलबार नेकपा एमाले बाँके क्षेत्र नम्बर १ का उम्मेदवारको चुनावी कार्यक्रम राप्तिसोनारी गाउँपालिका वडा नं. ८ को नयाँ गाउँ र वडा नं. ९को ढकेरीमा सम्पन्न भएको छ ।

प्रतिनिधि सभा सदस्यका उम्मेदवार सुर्य ढकाल र प्रदेश सभा (ख) का उम्मेदवार दुर्गा प्रसाद चौधरीसहित एमालेका केन्द्र, प्रदेश, जिल्ला र नगर स्तरीय नेताहरुको सहभागितामा आज विहान विभिन्न बस्तीमा घरदैलो तथा भेटघाट कार्यक्रम गरिएको छ भने दिउँसो विभिन्न टोलमा घरदैलो सहितको कार्यक्रम गरिएको थियो ।

सो अवसरमा कार्यकर्ता तथा मतदाताहरुलाई सम्वोधन गर्दै प्रतिनिधि सभाका उम्मेदवार सुर्य ढकालले जनताको सुख र दुःखमा साथ दिने पार्टी एमालेमात्र भएको बताउनुभयो । उहाँले बृद्धबृद्धालाई बृद्धा भत्ता र विरामीलाई उपचार गर्न दिनेदेखि रोजगारी सिर्जना लगायतका कार्यक्रमले एमाले नागरिकको सुख र दुःखमा साथ दिने पार्टी स्थापित भएको बताउनुभयो । समृद्ध नेपाल सुखि नेपालीको अभियान पुरा गर्न अझै बाँकी रहेकाले आगामी निर्वाचनमा नेकपा एमालेलाई बिजयी गराउन आग्रह गर्नूभयो ।

बाँके जिल्लाको १ नम्बर क्षेत्रलाई समृद्ध बनाउने एजेण्डा नेकपा एमालेसँग मात्र भएको बताउँदै विपक्षिहरुलाई गठवन्धन कसरी टिकाउने भन्ने बाहेक अर्को एजेण्डा नभएको बताउनुभयो । विगत पाँच वर्षको अवधिमा यस क्षेत्रमा सडक, शिक्षा, स्वास्थ्य, सिंचाई, खानेपानी लगायतका क्षेत्रमा असाधारण विकास भएको बताउँदै केहि अधुरा कामलाई छिट्टै पुरा गर्ने प्रतिवद्धता जनाउनुभयो ।

कार्यक्रममा प्रदेश सभा (ख )का उम्मेदवार दुर्गा प्रसाद चौधरीले विकास निर्माण र समृद्धिको लागि एमालेको बिकल्प नभएको बताउँनुभयो । विगत पाँच वर्षमा एमालले प्रदेश र संघीय सरकार पुर्ण कार्यकाल सम्हाल्न नपाउँदापनि नागरिकले अनुभुती गर्नेगरी थुप्रै विकास गरेको बताउँदै सुखि जीवन विताउन र मुलुकलाई समृद्ध बनाउनका लागि फेरीपनि एमालेलाई फराकिलो बहुमतले बिजयी गराउन आग्रह गर्नुभयो । मुलुक बनाउनेलाई जिताउने कि बर्बाद बनाउनेलाई जिताउने भन्ने जिम्मा मतदाताको हातमा रहेको बताउँदै विगतका एमाले सरकारका हरेक कामहरुलाई मसिनोगरी विचार गर्न समेत आग्रह गर्नुभयो ।

घरदैलो तथा भेटघाटमा एमालेका समानुपातीक उम्मेदवार बसन्ती अधिकारी ,निर्मला सुनार, सुधा चौधरी लगायत प्रदेश, जिल्ला र नगरका नेताहरुको सहभागिता रहेको छ । घरदैलोका अवसरमा राप्तिसोनारीका स्थानिय मतदाताले विगतका वर्षहरुमा एमालेले धेरै राम्रो काम गरेको बताउँदै ती कामहरुको पुर्णताका लागि फेरीपनि बिजयी गराउनेप्रतिवद्धता जनाएका छन् । उनिहरुले बृद्ध भत्ता पाँच हजार बनाउन पनि एमालेले जित्नुपर्ने भन्दै बृद्धाबृद्धाहरु समेत उत्साहित बनेका छन्