कोहलपुर/ राष्ट्रिय स्वतन्त्रता पाटीका अमेद्वार आनन्द बाबु काफ्ले यतिबेला बाँके क्षेत्र नं.का मतदातामाझ परिर्तनको अभियान बोकेर चुनावी प्रतिस्पर्धामा खडा भएका छन् ।

आगमाी मंसिर ४ गते हुन गइरहेको निर्वाचनमा मतदाताहरुले परिवर्तनको मुद्धालाई आत्मसाथ गर्नेमा पूर्ण विश्वस्त रहेको बताउँदै प्रतिनिधी सभा सदस्य काफ्लेले बर्तमान शासन व्यवस्थाभित्र मौलाउँदै गइरहेको भ्रष्टाचार र अस्थिरताको विकल्पका रुपमा प्रस्तुत भएको दावी गरेका छन् ।

मुलुकको अस्तित्वमा गम्भिर प्रश्न चिन्ह खडा भइरहेको अवस्थामा लामो समयदेखि संसदिय अभ्यास गरिरहेका प्रमुख राजनीतिक दलहरु भ्रष्टाचार र वेथितीका प्रमुख काकर देखिएकाले परिवर्तन अहिलेको आवश्यकता रहेको काफ्लेको भनाई छ ।

बाँके निर्वाचन क्षेत्र नं. १ प्रतिनिधी सभा सदस्य पदमा राष्ट्रिय स्वतन्त्र पार्टी उमेद्वारलाई बिजयी बनाउन स्वतःस्फुर्त रुपमा युवा समूह नै संगठित भइरहेकाले निकै नै हौसिएको छु, काफ्लेले भने ।

स्वतन्त्रहरुले आत्मसाथ गर्ने विचार नै राष्ट्रिय स्वतन्त्र पार्टीको विचार एवम् सिद्वान्त रहेकाले राट्रिय स्वतन्त्र पार्टीले अघि सारेका उमेद्वारहरुलाई मतदाताको अपार समर्थन रहेकाले जीत सुनिश्चित रहेको राष्ट्रिय स्वतन्त्र पार्टी कोहलपुर नगर सचिव भरत पनेरुले दावी गरेका छन् ।

नगर सचिव पनेरुले मतदाताहरुको प्रतिक्रियाले आफुहरु उत्साहित भएको बताएका छन् । घर दैलो अभियान अझै शुरु भइसकेको छैन, अहिले शुभेच्छा र शुभकामना सहित समर्थन जनाउने व्यक्ति तथा समूहहरु नै सक्रिय रुपमा जोडिएकाले जनता अब परिर्तनको मुद्वाबाट विचलित नहुने उनको दावी छ ।

बढ्दो भ्रष्टाचार र अस्थिरता अन्त्यका लागि कुनै पनि दल गम्भिर नहुनु नै दुर्भाग्य रहेको बताउँदै कोहलपुरका पुराना सफल व्यवसायी सिएम उपाध्याय भ्रष्टाचार र बेथिती अन्त्यका लागि स्वतन्त्र विचार सहितको अभियानमा आफु जोडिएको प्रतिक्रिया दिएका छन् । राजनीतिक दलका गतिविधीबाट आजित भएका जनता अब राजनीतिक रुपमा धेरै चेतनशील बनिसकेको हुँदा दोहरिन खोज्ने उमेद्वारहरुले फलामको च्युँरा चपाउनुपर्ने अवस्था आइसकेको उनको भनाई छ ।