चौतर्फि आलोचना बढ्दै गएपछि इलाका प्रहरी कार्यालय कोहलपुर प्रमुखले कमजोरी स्विकादै दुव्र्यवहारमा परेका पत्रकारसँग क्षमा याचना गरेका छन् ।
सामुदायिक रेडियो कोहलपुर एफ.एम. १०१.५ मेगाहर्ज र ईआवाज अनलाइनमा कार्यरत पत्रकार/सञ्चारकर्मी विजय परियारलाई कोहलपुर प्रहरीबाट भएको दुव्र्यवहारको घटनाप्रति प्रहरीको चौतर्फि आलोचना बढ्दै गएको थियो । कोहलपुरमा बुधवार साँझ भएको सडक दुर्घटनामा ज्यान गुमाएका मोटरसाइकल चालकका आफन्त तथा स्थानीयहरूले गरेको विरोध प्रदर्शनका क्रममा पत्रकार परियारले समाचार संकलन गर्दै गर्दा कोहलपुर प्रहरी प्रमुख प्रहरी नायब उपरीक्षक ऐन बहादुर मल्लले धरपकड गर्दै सञ्चार उपकरण मोवाइल सहित पत्रकार परियारलाई नियन्त्रणमा लिएको घटनालाई लिएर प्रेस तथा अभिव्यक्ति स्वतन्त्रता, पत्रकारको भौतिक र व्यवसायिक सुरक्षामा ठाडो हस्तक्षेप भएको ठहर गर्दै कोहलपुरका पत्रकार सञ्चारकर्मीहरुले भत्र्सना जनाएका थिए । यसै गरी विहिवार कोहलपुर क्षेत्रमा क्रियाशील पत्रकार/सञ्चारकर्मीहरुले संयुक्त बिज्ञप्ति जारी गर्दै पत्रकार परियारले आफू पत्रकार भएको भन्दै परिचयपत्र देखाउँदा समेत उक्त घटना हुनुले प्रमुख मल्लको आम संचारप्रतिको धारणा सकारामत्मक नदेखिएको भन्दै प्रमुख मल्ल र इलाका प्रहरी कार्यालय कोहलपुरको संचारप्रतिको धारणा सार्वजनिक गर्न माग गरेका थिए ।

शुक्रवार नेपाल पत्रकार महासंघ बाँके शाखाको समन्वयमा कोहलपुर प्रहरी प्रमुख प्रहरी नायब उपरीक्षक मल्लले पीडित पत्रकार परियाससँग घटनामा आप्mनो कमजोरी भएको स्विकार्दै आगामी दिनमा प्रेस तथा अभिव्यक्ति स्वतन्त्रता, पत्रकारको भौतिक र व्यवसायिक सुरक्षामा संवेदनशील बन्ने प्रतिबद्वता समेत व्यक्त गरेका छन् । विहिवार सडक दुर्घटनाका पीडितहरुले उचित क्षतीपूर्ती सहित मोटरसाइकललाई ठक्कर दिने नेपालगञ्ज मेडिकल कलेज शिक्षण अस्पताल कोहलपुरको कर्मचारी सवारी गर्ने बसका चालकलाई कारवाहीको माग राखेर गरेको प्रदर्शनको समाचार संकलनका लागि इलाका प्रहरी कार्यालय कोहलपुर परिसर अगाडीबाट रिपोटिंगकै क्रममा पत्रकार परियारलाई धरपकड गरेर मोवाइल समेत कोहलपुर प्रहरी प्रमुख मल्लले नियन्त्रणमा लिएका थिए ।