नेपाली कांग्रेसको शुभेच्छुक संस्था नेपाल प्रेस युनियनको ९ औं महाधिवेशन आगामी साउन ६ र ७ गते मकवानपुरको हेटौंडामा हुँदैछ ।
पोखरामा २०७१ भदौमा ८ औं महाधिवेशन गरेको प्रेस युनियनले करिब ८ वर्षपछि नवौँ महाधिवेशन गर्न लागेको हो । युनियनको महाधिवेशन आउन करिब–करिब १० दिन बाँकी रहदाँ विभिन्न पदमा उम्मेदवारी घोषणा गर्नेक्रममा बाँकेबाट पत्रकार जय सिंह के.सी.ले उप–महासचिव पदमा उमेद्वारी घोषणा गरेका छन् । करिब २ दशकदेखि पत्रकारिता पेशामा सक्रिय रहँदै आएको पत्रकार के.सी. बर्तमान प्रेस युनियन केन्द्रिय कार्यसमिति केन्द्रिय सदस्य समेत हुन् । पत्रकार के.सी. बाँके जिल्लामा मात्र नभई देशभरकै पत्रकारको अधिकार संस्थागत गर्न एक दशकदेखि अभियान शुरु गरेका अभियन्ता समेत हुन् । कोभिड संक्रमण कालमा पत्रकार के.सी.ले करिब १० जिल्लामा स्थलगत रुपमा पत्रकार÷सञ्चारकर्मीहरुको अवस्थाबारे जानकारी लिँदै स्वास्थ्य सामाग्री वितरण गरेका थिए । कोभिड संक्रमणकालमा समस्यासँग जुधिरहेका पत्रकार÷सञ्चारकर्मीहरुलाई खाद्यान्न तथा दैनिक उपभोग्य वस्तु तथा सामाग्री सहयोग गरेका थिए । बाँकेबाटैे प्रेम के.सी. बरिष्ठ उपाध्यक्ष, कमला हमाल केन्द्रिय सदस्यमा आफ्नो उमेद्वारी घोषणा गरिसकेका छन् । बाँकेबाट अन्य आंकाक्षीहरुले पनि उमेद्वारी घोषणा गर्ने तयारी गरिरहेका छन् ।