कोहलपुर नगर क्षेत्रका किसानहरूलाई कृषि यन्त्र हस्तान्तरण गरिएकाे छ । कोहलपुर नगरकृषि शाखाले ५० प्रतिशत अनुदानमा कृषकहरुलाई कृषि यन्त्र हस्तान्तरण गरेको हो । कृषक समुहलाई मिनी टिलर , पावर टिलर प्रदान गदै कोहलपुर नगरपालिका प्रमुख पुर्ण प्रसाद आचार्यले आर्थिक समृद्धिको आधार कृषि नै भएकाले तीनै तहका सरकार त्यसमा केन्द्रित भएको बताए । किसानको उपादकत्व बृद्धि संग जोडिएर कृषिमा आत्मनिर्भर बन्नका लागि किसानहरुलाई सहज होस् भन्ने उद्येश्यले कोहलपुर नगरपालिकाले ५० प्रतिशत अनुदानमा २१ जना कृषकहरुलाई कृषि यन्त्र बितरण गरिएको बताए । परम्परागत शैलीले कृषि गर्दा उत्पादकत्वमा कमी आउने र किसानहरुको लगानी समेत नउठ्ने समस्या रहेकाले यसको समाधानका लागि राज्यले बिभिन्न निति तथा कार्यक्रम बनाउनुपर्ने नगर प्रमुख अाचार्यकाे भनाई छ । मलखान खरिद गर्ने प्रक्रीया एकद्धार भएकाले पनि किसानहरुले समयमै मल पाउन नसकेको र यसको समाधान सगै समयमै किसानहरुले घर दैलोमा मल उपलब्ध गराउनन का लागि स्थानियले पहल गर्ने र स्थानिय सरकार मातहत बाटै बिभिन्न संघ संस्थाहरु संग सहकार्य गरेर मल खरिद गर्ने प्रक्रीया अगाडी बढाउनका लागि पहल गर्ने प्रतिबद्धता समेत ब्यक्त गरेका छन् । यस्तै बोल्दै नगरउपप्रमुख संगिता सुबेदीले कृषहरुलाई कृषि यन्त्रको सही रुपले सदुपयोग सगै कृषकहरुलाई व्यवसायिक रुपमा कृषि तर्फ लाग्न आग्रह गरिन् । कोहलपुर नगर कृषि शाखा प्रमुख चन्द्र बहादुर बुढाले आगामी दिनमा नगर कृषि शाखाले किसानहरुको अभिलेखिकरण गर्ने आधुनिक कृषि प्रणालीमा किसानहरुलाई जोड्दै लैजाने प्रतिबद्धता ब्यक्त गरे । यान्त्रिकरणले कृषकहरुलाई धेरै सहज बनाए पनि कृषि तर्फ अझै आकर्षण बढ्न नसक्नु दुखद् भएको बताए । उहाँले कृषिमा जस्तो प्रचुर सम्भावना र अवसर अन्य क्षेत्रमा नरहेको बताए ।