कंचनपुर ०५ जेठ — कंचनपुर को बेदकोट नगरपालिकामा नेपाली कांग्रेस विजयी भएको छ । नेकपा माओवादी केन्द्र र एकीकृत समाजवादीको गठबन्धन र नेकपा एमालेलाई हराउदै मेयरमा कांग्रेसका भोजराज बोहरा र उपमेयरमा तुलशी जोशी विजयी भएका हुन ।

मेयरमा बोहराले ८ हजार ७८ मत प्राप्त गर्दा उनका निकटम् प्रतिद्वन्दी नेकपा एमालेकी सुशिला सिंहले ४ हजार ७ सय ४० मत प्राप्त गरे भने  माओवादी र समाजवादी गठबन्धनका उमेदवार रामचन्द्र रेग्मीले ३ हजार ८ सय ९८ मत प्राप्त गरेका थिए ।

उपमेयरमा कांग्रेसकी तुलशी जोशी ७ हजार २ सय ५४ मत ल्याएर विजयी भइन् । उनकी निकटम् प्रतिद्धन्द्धी  एमालेकीकी पार्वती कुमारी भट्टले ५ हजार ७ सय २७ मत ल्याएकी थिईन भने गठबन्धनबाट माओवादीकी हिरा जैसीले ३ हजार ६ सय ५२ मत प्राप्त गरिन् ।

यस अघि ०७४ को निर्वाचनमा काँग्रेसका बोहरा र जोशी  एमालेका अशोक चन्द र सुशिला सिंहसंग पराजित भएका थिए ।