कोहलपुर : कोहलपुर नगरपालिकामा नेपाली कांग्रेसका पूर्णप्रसाद आचार्य र संगिता सुवेदीले अग्रता लिइरहेका छन् । आचार्यले २८८४ मत ल्याएर अग्रता लिएका छन् । यस्तै नेकपा एमालेका खिलप्रसाद भुसालले २३९४ मत प्राप्त गरेका छन् । यसैगरी नेकपा(माओवादी केन्द्र)का नरेन्द्र न्यौपाने २१५६ प्राप्त गरेर तेस्रो स्थानमा छन् । 

यसैगरी उपप्रमुखमा सुवेदीले ३०३६ मत प्राप्त गरी अग्रता लिइरहेकी छन् । नेकपा एमालेकी अस्मिता चौधरीले २५०६, नेकपा (एकिकृत समाजवादी) की नारायणी ओलीले १०३८ मत प्राप्त गरेकी छन् । 

कोहलपुरमा अहिलेसम्म ८७७५ मत गणना भइसकेको निर्वाचन अधिकृतको कार्यालयले जनाएको छ । अहिलेसम्म वडा नम्बर १ र १५ को मतगणना सम्पन्न भइसकेको छ, भने वडा नम्बर २ को मतगणना चलिरहेको छ ।