धनगढी । कैलालीको कैलारी गाउँपालिकामा राष्ट्रिय प्रजातन्त्र पार्टी(राप्रपा)का उम्मेदवारले अग्रता लिएका छन् ।

गाउँपालिकाको वडा नम्बर १ को ५०० मतको गणना सकिंदा राप्रपाबाट अध्यक्षका उम्मेदवार होमबहादुर गुरुङले १८३ मत लिएर अग्रता लिएका छन् । उनलाई कांग्रेसका बागी उम्मेदवार रामसमझ चौधरीले १४० मतका साथ पछ्याइरहेका छन् । गठबन्धनका आधिकारिक उम्मेदवार माओवादी केन्द्रका लाजुराम चौधरीले १०० मत प्राप्त गरेका छन् ।

उपाध्यक्षमा पनि राप्रपाकै उम्मेदवारले १६३ मतका साथ अग्रता लिएका छन् भने उनलाई गठबन्धनकी साझा उम्मेदवारले ११५ मत लिएर पछ्याइरहेको छ । यसअघि कांग्रेसका बागी उम्मेदवारले सुरुवाती अग्रता लिएका थिए ।