दाङको घोराही उपमहानगरपालिकामा गठबन्धनका उम्मेदवारले अग्रता लिएका छन् । 

घोराहीमा गठबन्धनको तर्फबाट प्रमुख पदका उम्मेदवार नेकपा माओवादी केन्द्रका हेमराज शर्मा (डायमण्ड) १७२ मतसहित अग्रस्थानमा छन् । नेकपा एमालेका उम्मेदवार नरुलाल चौधरीले १४५ मत प्राप्त गरेका छन् । 

उपप्रमुख उम्मेदवार कांग्रेसका भूपबहादुर डाँगीले १८० र एमालेकी हेमा डिसीले १४० मत प्राप्त गरेकी छन् ।  घोराहीमा चौधरी दोहोरिएर उम्मेदवार बनेका हुन् । घोराही देशकै सबैभन्दा ठूलो उपमहानगरपालिका हो ।