काठमाडौं महानगरका मेयरका उम्मेदवार बालेन्द्र साहले आफ्नो जीत सुनिश्चित भएको बताएका छन् ।

मतगणनास्थल राष्ट्रिय सभागृहमा पुगेका साहले पत्रकारहरुसँग संक्षिप्त कुरा गर्दै वडा नम्बर–१ को मत गणनामा दोस्रो स्थानमा रहेको र ३२ नम्बर वडाबाट राम्रो मत आएको बताए । 

काठमाडौं महानगरको भित्रि बस्तिहरुमा आफूलाई कम मत आउने भए पनि अरू २० वटा वडाबाट आएको मतले आफूले मेयर जित्ने साहले बताए । 

‘कोर एरियामा दोस्रो स्थानमा हुन्छौं । बाँकी २० वडाबाट आउने मतले जित्ने निश्चित छ’, बालेनले भने । (लाेकान्तर)