यतिवेला राजनीतिक दलका उमेद्वारहरु चुनावी घरदैलो तथा मतदाता भेटघाटलाई व्यापकता दिइरहेका छन् । यही वैशाख ३० गते हुन गइरहेको स्थानिय तहको निर्वाचनलाई कोहलपुर नगरपालिकामा नेपाली काँग्रेस, नेकपा एमाले, चुनावी सहकार्य गरेको माओवादी केन्द्र र एकिकृत समाजवादीले प्रतिष्ठाको रुपमा चुनावी नतिजालाई लिएका छन् ।
मतदाता भेटघाट तथा घरदैलो कार्यक्रमलाई तिब्र पारेको नेपाली काँग्रेसका उमेद्वारहरु मतदाताको घर घर पुग्दा फरक दृष्य देखिएको छ ।

नेपाली काँग्रेसका तर्फबाट कोहलपुर नगरपालिकाको नगर प्रमुख पदका उम्मेद्वार पूर्ण प्रसाद आचार्य, नगर उप–प्रमुख पदकी उमेद्वार संगीता सुवेदी सहित वडा पदाधिकारीका उमेद्वारलाई स्वागत गर्न मतदाताहरु नै तछाड मछाड गरिरहेका छन् । कतिपय स्थानहरुमा उमेद्वारहरुलाई आर्शिवाद दिने क्रममा मतदाताहरु भावुक बन्ने गरेका छन् । कोहलपुर नगर क्षेत्रका पुराना र अग्रज मतदाताहरु युवा नेतृत्वमाथि केही गर्ने आश पलाएको भन्दै भावुक बन्दै अवको निर्वाचनमा नेपाली काँग्रेसका युवा उमेद्वाहरुलाई सहयोग गर्ने प्रतिबद्वता समेत व्यक्त गरेका छन् । मतदाताको सद्भाव र विश्वास देखेपछि उमेद्वारहरु स्वमय् भावुक बन्दै नगरवासीले गरेको विश्वासलाई कहिलल्यै पनि कुठाराघात नगर्ने प्रण गरेका छन् । पछिल्लो समयमा नेपाली काँग्रेस कोहलपुरका अगुवा तथा प्रभावशाली नेताहरु भानुभक्त भट्टराई, बलराम शर्मा, नारायण सुग्देल, राजेन्द्र श्रेष्ठ, फुलाराम थारु लगाएतका नेताहरु स्वयम् उमेद्वारहरु सहित घरदैलो तथा मतदाता घेटघाटमा सक्रिय रुपमा लागेपछि नगरमा नेपाली काँग्रेसको पक्षमा ह्वात्तै जनलहर बढिरहेको छ ।

कोहलपुर नगर क्षेत्रभित्र थारु संग्रालय निर्माणको एजेण्डा असफल बनाउन नेकपा एमाले नै लागिपरेका कारण थारु समुदायको कला, संस्कृती संरक्षणमा समस्या बढ्दै गइरहेको नेपाली काँग्रेसका उमेद्वारहरुले बताउँदै आइरहेका छन् । थारु बाहुल्यता भएको कोहलपुर नगरपालिकामा थारुहरुको पहिचानलाई बचाउनका लागि र थारु सामुदायको संस्कृतिको संरक्षणका लागि थारु संगा्रलय निर्माण गर्ने प्रतिवद्धता जनाएका छन् । नेपाली काँग्रेसबाट निर्वाचित उपप्रमुख सञ्जु कुमारी चौधरीले कोहलपुरमा थारु संग्रालय स्थापनाका लागि पहल गरे पनि नेकपाको सरकारले थारु संग्रालन बनाउन नदिईएको बताउँदै थारु संग्राहलय निर्माणको एजेण्डा नेपाली काँग्रेस बाहेक अन्य दलसँग भएकाले नेपाली काँग्रेसका उमेद्वारहरुलाई बिजयी बनाउन थारु अगुवा नेताहरु फुलाराम थारु, सञ्जु कुमारी थारु, जागेश्वर थारु लगाएतका प्रभावशाली नेताहरुले आप्mनो समुदायँग सहयोगको लागि अपिल समेत गरेका छन् ।
हालसम्म नेपाली काँग्रेसले नगर क्षेत्रका १० वटा वडाहरुमा घरदैलो तथा मतदाता भेटघाट कार्यक्रम सम्पन्न गरिसकेको छ ।