सरला सुवेदी

कोहलपुर । कोहलपुर नगरपालिकालाई स्मार्ट नगरपालिका बनाउने परिकल्पना सहित नेकपा एमाले कोहलपुरले दोस्रो चरणको कार्यक्रम अन्तर्गत घरदैलो कार्यक्रमलाई व्यापक तिव्रता दिएको छ ।

मेयर पदका उम्मेदवार खिल प्रसाद भुषाल र उपमेयर पदकी उम्मेदवार अस्मिता कुमारी थारु , वडा अध्यक्ष अनि सदस्यलगायत अन्य नेता कार्यकर्ताहरुसङ्गको दैनिक घरदैलोले उम्मेदवारलाई उर्जा मिलेको छ, भने स्थानिय जनतामा पनि छुट्टै रोनक छाएको छ घरमै काम गरेर बस्नु भएपनी खेतका गरागराबाट सै पनि एमाले मै पनि एमाले भन्ने गित कान सम्म पुग्दा नाच्दै गाउदै “न घामको प्रवाह न त कामको प्रवाह” गरेर स्थानिय जनता चुनावी प्रचारप्रसारमा लागेको देख्दा उम्मेदवारमा मात्रै नभैइ सबैमा उत्साह जागेको छ।

स्थानीयको उत्साहजन सहभागीता बढ्न थालेपछि आजै जित सुनिश्चित भएको महशुस भएको मेयर पदका उम्मेदवार खिल प्रसाद भुषालले बताए । सयौको संख्यामा स्थानीयहरु स्वतस्फुर्त रुपमा चुनावी अभियानमा होमिन थालेका छन । बुधबार ३र ४ नम्बर वडामा उम्मेदवारको प्रचारप्रसार अभियानमा युवा, विद्यार्थी हरुको उत्साहजनक सहभागिता रहेको विद्यार्थी नेता सुमन घिमिरेले बताए । उनले युवा र विद्यार्थीलाई टोल टोलमा मतदाता शिक्षा सम्बन्धी जनचेतनाको लागि खटाएको बताए।

घरदैलोको क्रममा कोहलपुर नगरपालिका अध्यक्ष पदका उम्मेद्बार भुषाल , उपाध्यक्ष पदकी उम्मेद्बार थारु लगायत वडाका अध्यक्ष र सदस्य पदका उम्मेद्बारहरुले स्थानीयका समस्या तथा गुनासो सुनेका थिए । साथै आफुहरु निर्वाचित भएर गएपछि जनताका समस्याहरु हल गर्ने प्रतिबद्धता जनाएका छन ।

अधिकाश स्थानीयले यसपटकको निर्वाचनमा नेकपा एमालेले स्वभाव खरो भएपनी जनताको लागि एकदमै सहयोगी समाजसेवामा पोख्त ,योग्य र इमानन्दार व्यक्तिहरुलाई उम्मेदवार उठाएका कारण निर्वाचनमा एमालेलाइ नै विजयी गराउने बताएका छन । आज गाउँपालिकाका सबै वडामा आफ्नो आफ्नो तरिकाले घरदैलो अभियान सन्चालन गरिएको थियो भने अध्यक्ष र उपाध्यक्ष पदका उम्मेद्बारसङ्ग सङ्गै रहेर वडा नम्बर ३र ४ नम्बरमा अभियान सन्चालन गरिएको थियो।