काेहलपुर/ नेपाली काँग्रेसका तर्फबाट कोहलपुर नगरपालिकाको नगर प्रमुख पदका उम्मेद्वार पूर्ण प्रसाद आचार्यले नेकपा एमाले र माओवादी नेतृत्वको संघ र प्रदेश सरकार र एमालेको स्थानिय सरकारले कोहलपुर नगरपालिकामा थारु संग्रालय बनाउन नदिएको बताएका छन् ।

नेपाली काँग्रेसबाट निर्वाचित उपप्रमुख सञ्जु कुमारी चौधरीले कोहलपुरमा थारु संग्रालय स्थापनाका लागि पहल गरे पनि नेकपाको सरकारले थारु संग्रालन बनाउन नदिईएको बताएका छन् । निर्वाचन प्रचार प्रसारका क्रममा कोहलपुर नगरपालिका वडा नं. ६ को घरदैलो कार्यक्रममा बोल्दै उनले आफुहरुले थारुहरुको पहिचानलाई बचाउनका लागि र थारु सामुदायको संस्कृतिको संरक्षणका लागि थारु संगा्रलय निर्माण गर्ने प्रतिवद्धता जनाएका छन् ।

उपप्रमुख पदकी उम्मेद्वार संगिता सुवेदिले कोहलपुर नगरपालिकाकी निवर्तमान उपप्रमुख सञ्जु कुमारी चौधरीका बाँकी रहेका कामहरु सम्पन्न गरी कोहलपुरको विकासमा यहाँका जनतासँग सहकार्य गर्ने बताएकी छिन् ।

नेपाली काँग्रेसबाट कोहलपुर नगरपालिका वडा नं. ६ को वडा अध्यक्ष पदको उम्मेद्वार श्रीकृष्ण थारु, खुल्ला सदस्यमा गोविन्द वाग्ले र विठुलाल थारु, महिला सदस्यमा लिलादेवि रेग्मी, दलित महिला सदस्यमा सुनिता सुनार रहेका छन् । २०७४ सालमा नेपाली कांग्रेसले बिजय प्राप्त गरेको वडा हो भने उप निर्वाचनमा नेकपा (एमाले र माओवादी) ले बिजय प्राप्त गरेको थियो ।

हाल नेकपा पार्टी विभाजन भई नेकपा एमाले र माओवादी अलग भएका छन् ।