सरला सुवेदी

बाँके । कोहलपुर वडा नम्बर १२ को बिशाल कोण सभा उम्मेद्बारसङ्गको परिचयात्मक कार्यक्रमसङ्गै विभिन्न कार्यक्रम गरि नेकपा एमालेले स्थानीय तह निर्वाचनको चुनाव लक्षित हाईकमाण्डको सप्ताहव्यापी दौडलाई आज समापन गरेको छ।

कोहलपुर नगरपालिकाका उम्मेदवार र हाईकमाण्डका नेताहरुको प्रत्यक्ष संलग्नतामा स्थानीहरु संग परिचय गर्ने र उनीहरुका समस्याका बारेमा उम्मेदवारहरुलाई अवगत गराई समाधानका उपाएहरु निकाल्न पनि हाइकमाण्डले निर्देशन दिदै सप्ताहव्यापी कार्यक्रम गरेको थियो।

स्थानीयहरुका समस्यालाई सुनेर मेयर उपमेयर र वडाका उम्मेदवारहरुले निर्वाचित भए पश्चात जनस्तरका समस्याहरुलाई समाधान गर्न सहज हुने भएकाले हाईकमण्ड सहितको कार्यक्रम गरिएको हो।

सप्ताहव्यापी रुपमा सन्चालन गरिएको परिचयात्मक कार्यक्रमको अन्तिम दिन वडा नम्बर १२ को कोणसभालाई सम्बोधन गर्दै मेयर पदका उम्मेदवार भुषालले वडा नम्बर १२ मा अधुरा रहेका बिकासका कामलाई निरन्तरता दिदै वडामा डुबानकटानको बढी समस्या भएको हुदा केन्द्रबाट कार्यक्रम र बजेट ल्याएर यहाँको समस्या समाधान गर्न पहल गर्ने, बैज्ञानिक आधुनिक ढलको व्यवस्थापन गर्ने, छाडा पशु चौपायाको व्यवस्थापन गर्ने चपरगौडी र कोहलपुर बजारलाई जोढ्ने फोरलेन सडकको लागि विशेष पहल गर्ने र कृषि पर्यटन बिकास प्रबर्द्धनका लागि जुनसुकै ठाउँमा पुगेर भएनी यो वडालाई समृद्ध र नमुना वडा बनाउन सधै साथ र समर्थन गर्ने बताएका छ्न । उनले कोहलपुर नगरपालिका भित्र अनि वडा नम्बर १२ का अति बिपन्न परिवार जो अझै पनि फुसको छानामा बसेका छन् ती परिवारहरुको लागि तीन कोठे घर जनता आवास मार्फत या त अन्य कुनै कार्यक्रम मार्फत होस उचित बासस्थानको प्रगोग गरिदिने प्रतिबद्धता गरेका छन् ।

कार्यक्रममा केन्द्रिय सदस्य , प्रदेश सदस्य, जिल्ला , नगर सदस्य लगायत स्थानिय नेता कार्यकर्ता र मतदाताको बाक्लो उपस्थिति रहेको थियो।