काठमाडौँ, १९ वैशाख।

स्थानीय निर्वाचन नजिकिंदै गर्दा उमेद्वारहरु भोट माग्न मतदाताको घर घर पुग्न थालेका छन। मतदाता फकाउन उनिहरुले अनेक फंडा पनि अपनाईरहेका छन। कसैले झुटा आश्वासन दिईरहेका छन् भने कति त मतदाताको पाउ पर्न समेत चुकेका छैन। 

मेलम्ची नगरपालिका– १० का वडा अध्यक्षका कांग्रेस उम्मेदवार अमृत खनालले मतदाताको पाउमा हजार नोट राखेर ढोग गर्दै भोट मागिरहनुभएको छ । चुनावी प्रचारका लागि घरदैलो गरिरहनुभएका उहाँले प्रत्येक घरमा यसैगरी भोट मागिरहनु भएको छ। 

उहाँले कसैलाई एक हजार त कसैलाई त्योभन्दा बढी रकम पाउमा राखेर ढोग्दै भोट मागिरहेको स्थानीयले बताएका छन् । यसरी पाउमा पैसा राखेर भोट मागिरहेकोप्रति नेकपा एमालेले आपत्ति जनाएको छ ।

मेलम्चीमा कांग्रेस र राप्रपाबीच चुनावी तालमेल भएको छ ।