बाँके/ दैलेखको दुल्लु नगरपालिका–१० को वडा अध्यक्षमा नेपाली कांग्रेसबाट दिपेन्द्रकुमार पुरीले उम्मेदवारी दिएका छन् ।

पुरीले मंगलबार निर्वाचन कार्यालयमा वडा अध्यक्ष पदका लागि आफ्नो उम्मेदवारी मनाेनयन गराएका हुन् । पुरी सानै उमेरदेखि राजनीतिक यात्राका होमिएका नेतामा पर्दछन् ।

उनी २०६१ सालमा ज्वाला पञ्चकोसी मा.विको नेवि संघको अध्यक्षबाट आफ्नो राजनीतिक यात्रा शुरू गरेका हुन् । त्यसपछि पुरी कांग्रेसको संक्रिय राजनीतिमा लागेका थिए । पुरी दुल्लुमा नेपाली कांग्रेसबाट राजनीतिमा उदाएका नेता समेत हुन् ।

पुरी सानै उमेरदेखि समाजसेवा पेसामा पनि उत्तिकै सक्रिय हुँदै आएका छन् । सानै देखि पढाईमा पुरी अब्बल कोमल मन , सहयोगी भावन र अरुको दुखलाई नि आफ्नै ठानेर चिन्तन मनन गर्ने प्रवृत्तिका छन् । कर्ममा विश्वास गर्ने उनी परिवर्तनका लागि आफै लाग्न गर्ने भन्दै अब नमुना वडा निर्माणमा आफ्नो सक्रियता रहने बताउदै आफुलाई विजयी गराउन वडाबासिहरुमा अपिल पनि गरेका छन् ।

सामाजिक चिन्तन मनन भएका उनी भन्छन् ” समाज परिवर्तनका लागि अब युवा नेतृत्व हुन आवश्यक भएको छ , त्यसैको सुरुवात म बाट भएको हो । मेरो जित नै समृद्ध वडा निर्माण गर्न परिकल्पना गर्ने हुने छ ।

” यस्ता छन्, एजेण्डा पुरीका

-वडा अध्यक्षमा निर्वाचित भएपछि एम्बुलेन्स सञ्चालनमा ल्याएर स्थानीयलाई सेवामा ५० प्रतिशत छुट दिने ।

-दुल्लु–१० का सबै चौक–चौकमा फ्रि वाइवाइ सेवा विस्तार गर्ने

-प्रत्येक टोलमा बाल शिक्षा सञ्चालन गर्ने

-आफुले पाउँने पारिश्रमिककाे ५० प्रतिशत तलब भत्ता वडाको विकासमा खर्च गर्ने -दुल्लु नगरपालिका–१० को सडक, खाने पानी, लिफ्ट सिँचाईको व्यवस्थापन गर्ने ।