सुर्खेत । चर्चित सामाजिक अभियन्ता अनिल ढकालले स्थानीय निर्वाचन २०७९ मा वीरेन्द्रनगरको नगर उपप्रमुखमा स्वतन्त्र उम्मेद्वारी दिनुभएको छ ।

म आँटगर्छु, तपाईं साथ दिनुहोस्। लुटतन्त्रलाई लाेकतन्त्रमा बदल्न आफू स्थानीय निर्वाचन लड्दै लागेको ढकालले बताउनुभयो । उहाँ भन्नुहुन्छ “राज्य भएको न्यानो आभास नागरिकलाई दिलाउन म यो हिम्मत गर्दै छु । लुटतन्त्र विरुद्दको यो लडाइँमा, देशलाई माया गर्ने म जस्ता धेरै यूवाले हिम्मत गर्दै छन्, त्यसैले तपाईले साथ दिन पर्छ ।
“युवा अघि सर्छ, देश अघि बढ्छ ।”

के भन्नुहुन्छ ढकाल ?

“जिताउनु भयो भने भित्र बसेर काम गर्ने छु, हारे भने पनि म निष्क्रिय हुने छैन, नगरपालिका बाहिर बसेर सेवा दिने छु, यो मेरो प्रतिबद्दता हो । मैले बुझेको राजनिती हिम्मत हो, त्याग हो, सेवा हो, गफ हैन काम हो । मैले त्याग गर्ने हिम्मत गरिसके, स्थानिय तह स्वतन्त्र नै हुनु पर्दछ भनी पार्टी त्याग गर्ने हिम्मत गरे ।

खर्चिलो जीवन शैली त्यागेर साधारण जिवनयापन रोजेको धेरै भयो । सुर्खेत हस्पिटल भएर, सामुदायिक प्रहरी भएर, सामाजिक सञ्जाल फेसबुकको समूह “मोटे ग्याङ्ग नेपाल” भएर, विवेकशील साझा युवा भएर होस् कि कर्णाली स्वयंसेवक दलको प्रतिनिधी भएर होस् २०७१ को बाढी पछि निरन्तर यही समाजको सेवामा लागी परेको छु ।

यसपाली सामाजिक न्यायका लागी, स्थानिय सरकारलाई सेवक बनाउनका लागी, शिक्षालाई विकास संग जोड्नकालागि, उद्यमशिल समाज निर्माण, युवाहरुलाई अवसरको सिर्जना गर्नका लागी, सुशासन र भ्रष्टाचार मुक्त समाज निर्माणका लागि स्थानिय निर्वाचन लड्ने हिम्मत गरेको हुँ ।

“विकल्प कुरेर बस्ने हैन अब विकल्प बन्ने हो । युवा अघि सर्छ अनि मात्र देश अघि बढ्छ ।”