आसन्न स्थानीय तहको निर्वाचनमा कोहलपुर नगरपालिका वडा -१० को वडा अध्यक्षमा युवा नेता बाबुराम पराजुलीले नेपाली काङ्ग्रेसबाट बागी उम्मेदवारी घोषणा गरेका छन् ।

पराजुली नेपाली काग्रेस कोहलपुर -१० का निर्वाचित वडा सदस्य हुन । नेपाली काग्रेस भित्र उच्च छवि भएका पराजुलीले वर्तमान नेतृत्व प्रती रुष्ट हुँदै पाटी होईन ब्यक्ति हेर्न पर्ने जिकिर गरेका छन् ।

पराजुली सामाजिक काममा सक्रिय भएका कारण आफ्नो क्षेत्र र वडाबासी माझ लाेकप्रिय छन् । आफ्नो क्षेत्रका हरेक गतिविधिमा प्रत्यक्ष सरिक हुँदै विकासका निम्ति चिन्तन मनन गर्दै समाजमा अलग पहिचान निर्माण गरेका पराजुली आफ्नो क्षेत्रको आसा लाग्दो युवा मध्येमा पर्ने गरेका छन् ।

कोहलपुर क्षेत्रमा युवा व्यवसायीको रुपमा अलग पहिचान निर्माण गर्दै सम्पुर्ण युवाहरु को आदर्श बनेका पराजुलीको साथमा वडाका सम्पुर्ण युवाहरु एक जुट भएर लागेका छन् । आफ्नो वडालाई सुक्ष्म रुपमा बुझेका पराजुलीले वडालाई कोहलपुर नगरकै नमूना वडा निर्माण गर्ने योजना बनाएको बताउदै वडाबासीलाई आफुलाई विजयी गराउन अपिल पनि गरेका छन् ।