बाँके डुडुवा गाउँपालिका वार्ड नम्बर– ३ बनकट्टीका करिब ५० जना जनता समाजवादी पार्टीका कार्यक्रताहरु नेपाली काग्रेसमा प्रबेश गरेका छन् ।

जसपाका नेताहरु सत्ता र स्वार्थमा मात्र केन्द्रिय रहेकाले जनताको विकासका लागि खासै ध्यान नदिएको भन्दै आफुहरुको हितका लागि काम गर्ने नेपालकै ठुलो पार्टी नेपाली काँग्रेस मात्र भएकाले आफुहरु काँग्रेस पार्टीमा प्रबेश गरेको प्रतिक्रिया दिएका छन् ।

गत निर्वाचनमा जसपाबाट निर्वाचित डुडुवा गाउँपालिकाका वडा सदस्यद्वय फरिदा बेगम र लक्ष्मी कुमारी पासीसहित ५० जना सक्रिय कार्यक्रता पार्टी प्रबेश गरेका हुन् ।

आज आईतबार एक कार्यक्रमका विच नेपाली काँग्रेश प्रदेश सभा (क) का सहसचिव समसुद्दिन खाँ, नेपाली काँगे्रस ३ नम्बर वडासभापति छोटेलाल बर्मा र क्षेत्रीय प्रतिनिधी सहाबुद्दिन खाँले नव प्रबेशी कार्यक्रताहरुलाई अबिर लगाएर सदस्यता प्रदान गरे ।

पार्टी प्रबेश गर्नेहरुमा वडा सदस्यद्वय फरिदा वेगम र लक्ष्मी कुमारी पासी, शकील खान, कैलास काँदू, जमिल साई, बुधराम यादव, सुशीला यादव, अली हुसेन खाँ लगायत रहेका छन् ।

कार्यक्रममा प्रबेश गरेका कार्यक्रताहरु स्थानीय निर्वाचनमा नेपाली काँग्रेसको उम्मेदवारलाई विजयी गराउने प्रतिबद्धता गर्दै प्रचार प्रसारको अभियान समेत शुरु गरेको जनाएका छन् । (सेताेखरी)