¬
बाँके/ कोहलपुरमा स्थानिय तहको निर्वाचनको सरगर्मी सँगै दिलमाया परियार बुढाथोकी र निमबहादुर चलाउने (निरज) को आरोप प्रत्यारोप निर्कै चर्चामा रहेको छ । दुवै पक्षले एकअर्कामाथि अपराध गरेको समेत आरोप लगाएका छन् । आरोप प्रत्यारोप लगाउँदै गर्दा दुवै पक्षले गत बैशाख ७ गते आ–आफ्नो कुरा पत्रकार सम्मेलन मार्फत जनाएका छन् । पत्रकार सम्मेलनमा दिलमाया परियार बुढाथोकीले आफुमाथि भएको यौन शोषणको विषयमा जानकारी गराइन भने निम बहादुर चलाउनेले यौन शोषण नभएको र दिलमाया परियार बुढाथोकीले चोरी गरेको मुद्दा अहिले अदालतबाट किनारा नलाग्दा उक्त आरोप लगाइएको बताएका छन् । सो आरोप प्रत्यारोपले बाँकेमा नै उग्ररुप लिँदै गइरहेको पाइएको छ । साथै दुवै पक्ष आ–आफ्नो तरिकाले न्यायको लागि अघि बढिरहेको पाइएको छ ।

प्रहरीकाे भनाइ :
कोहलपुर ईलाका प्रहरी कार्यालयका प्रमुख ऐन बहादुर मल्लले दिलमाया परियार बुढाथोकीको जबरजस्ती करणी मुद्दाको जाहेरी बुझ्न मानेन् । जाहेरी बुझ्न नमान्नु कारण के हो भनी न्यूज नमस्तेले प्रश्न गर्दा प्रयाप्त प्रमाण नभएको, काठमाडौं जाने आउने टिकट काटेको, उहाँहरुको विचको नाता सम्बन्ध विषयमा खुलस्त हुने प्रमाण दिलमाया परियारले ल्याउन नसकेको प्रहरी कार्यालयका प्रमुख ऐन बहादुर मल्लले बताउनुभयो । चोरी मुद्दा खेपिरहेकी दिलमाया परियार बुढाथोकीको अहिले अदालतबाट मुद्दा किनारा नभएको कारण जाहेरी बुझ्न नसकिएको प्रहरी कार्यालय प्रमुख मल्ले जनाउनुभयो ।

जाहेरी दर्ता हुनु पर्छ– अधिवक्ता विरेन्द्र कुमार बस्नेत
मुलुकी फौजदारी कार्यविधि दफा ५, १ मा प्रहरीले जाहेरी दर्ता नगरे सरकारी वकिल कार्यालयमा दर्ता गर्न सकिने प्रावधान रहेको बताउनुभएको छ । दिलमाया परियार बुढाथोकी न्याय अन्याय, पिडित जे भए पनि नेपाल प्रहरीले जाहेरी दर्ता लिएर अन्यायमा परेको या नपरेको अनुसन्धान प्रक्रिया अगाडि बढाउनु पर्ने बताउनुभयो ।
कोहलपुर ईलाका प्रहरी कार्यालयले कानुन बमोजिम जाहेरी दर्ता लिनुपर्ने र जाहेरीनै लिन्न भन्नु कानुनी अख्यिारी नभएको बस्नेतले बताउनुभयो । न्यूज नमस्ते अनलाइनलाई टेलिफोन सम्पर्कमा प्रहरीले जाहेरी लिनुपर्ने कानुनी प्रावधान रहेको हुँदा कानुनी दायित्वबाट प्रहरी पञ्छीन नमिल्ने जिकिर गर्नुभयो ।
नेपाल प्रहरीले सत्य तथ्यमा आधारित रहेर आफ्नो कर्तब्य प्रति निष्ठावान गरी अनुसन्धान प्रक्रिया अगाडि बढाएर झुटो र सही भन्ने कुरा प्रहरीले पत्ता लगाई जाहेरी दर्ताको प्रक्रिया अगाडि बढाउनुपर्ने बताउनुभयो ।

दिलमाया परियार बुढाथोकी
आफुलाई नेपाली काँग्रेसका नेता एंव कोहलपुर १० का वडा अध्यक्ष निम बहादुर चालउने ९निरज० ले प्रलोभन देखाएर यौन शोषण गरेको आरोप लगाएकी छन । बुधवार कोहलपुरमा पत्रकार सम्मेलन गरेर उनले आफुमाथि भएको यौन शोषण बारे सम्वधित निकायमा उजुरी गर्दा समेत सुनवाई नभएको गुनासो गरीन । दिलमायले उजुरी र आवश्यक प्रमाण लिएर प्रहरी कार्यालय जाँदा उजुरी दर्ता गर्नुको सटो ईलाका प्रहरी कार्यालय कोहलुरका डिएसपि ऐन बहादुर मल्लले यौन द्रुव्यवहार गरेको भिडीयो ल्याएको खण्डमा मात्रै मुद्धा दर्ता गर्ने बताएको गुनासो गरिन ।

पत्रकार सम्मेलनमा के भनिन दिलमायाले (जस्ताको त्यस्तै)
कोहलपुर नगरपालिका वाड न १० का वडा अध्यक्ष निम बहादुर चलाउने निरज संग मेरो करिव ३ महिना अघि पहिलो भेट भएको थियो । म एक क्यामिकल कम्पनिको सेल्स म्यानेजरका रुपमा काम गर्थे, उहाँ निरज चलाउनेले कोहलपुरमा स्टार लेवलको होटल खोल्ने तयारी गरिरहनु भएको रहेछ । क्यामीकल कम्पनीको डिष्टि«ब्युटर बन्ने भन्दै पहिलो पटक मलाई माघको १६ गते कोहलपुर ११ को गुरास कफि सपमा बोलाउनु भयो । उहाँ लगायत अन्य दुई जनासंग चिनजान र कफि खाएर हामि छुटियौ । त्यस लगतै हाम्रो दैनिक भेट घाट हुन सुरु भयो । माघको २४ गते उहाँ निरज चलाउनेले काठमाण्डौ जान लाग्नु भएको रहेछ मलाई राझाँ एयर पोर्टमा बोलाउनु भयो । म एयरपोट गए , म काठमाण्डौ जानुपर्ने भयो भोलि तिमी पनि काठमाण्डौ आउनु तिमित संग मैले केही प्रस्ताव राख्नु पर्ने छ भन्दै आफ्नै ई सेवा आईडी बाट काठमाण्डौ जाने २५ गते दिउसो २ बजेको टिकट म्यासेज गरिदिनु भयो । स्किीनको उपचार गर्न भन्दै म २५ गते गए ,एयरपोट बाट म एक जना चिनजानको दिदीको कोठमा जाने तयारी थियो । उहाँले मैले तिम्रो लागी कोठा बुक गरेको छु भन्दै सुन्धाराको मोनार्क होटलमा लैजानु भयो । उहाँले मेरो केही प्रस्ताव छ त्यही कुरा गरौला भनेको हुनाले म पनि उहाँ संगै मोनार्क होटलमा गए ।
होटलमा उहाँले मलाई २ वटा योजना सुनाउनु भयो । पहिलो होटल ट्रिटप हेभनको सञ्चालनको र व्यवस्थापन तिमीले हेरीदिनु पर्ने भयो । मेरो श्रीमती बितेकाले श्रीमान र श्रीमतीको रुपमा नभएपनि म तिमीलाई श्रीमतीकै रुपमा संरक्षण अभिभावकत्व लिन्छु भन्ने प्रस्ताव राख्नु भयो ।
म एकल महिला र संरक्षक नभएकाले म उहाँको प्रस्तावमा राजि भए । हामी होटलमा संगै बस्यौ । श्रीमती बनाउछु भने पछि हामी बिच सबैखाले सम्वन्ध भयो । भोली पल्ट २६ गते स्किनको चेक जाँच गरि सकेपछि हामी साँझ पख एउटै प्लेनमा नेपालगंज फर्कीयौं ।
काठमाण्डौ बाट फर्किसकेपछि उहाँ निरज चलाउनेले म आफु राप्ती सोनारी पार्टीको काम बिशेषले जानु पर्ने भएकाले यो चेक भजाएर पैसा राख्नु म साझ आउछु भन्दै पिएस निर्माण सेवाको ८ लाखको सरिता कुमारी चौधरीको नाममा काटिएको चेक दिनु भयो । मैलो पनि सो चेक लिएर बैंक गए । तर सो दिन पैसा नभएका कारण सो चेक साटिएन । चेक साटिएन भन्दा त्यो चेक तिमी संगै राख केही दिनमा साटिन्छ भन्नु भयो । सो चेक मैले आफु संगै राखे ।
उहाँको प्रलोभनमा परेर आफुले सबैकुरा उहाँलाई सुम्पेको हुनाले मैले उहाँसंग थप छलफल गरौ भनेर समय मागे । उहाँले फागुनको ७ गते होटल म्याक्समा बसेर सबै कुरा गरौला भन्नु भयो । ७ गते बास बस्ने गरि होटल म्याक्समा म गए , उहाँ पनि आउनु भयो । कोठामा पुगिसके पछि उहाँको ध्यान मेरो शरिर माथि मात्रै थियो । मैले उहाँले देखाएको प्रलोभन सम्झाउन खोजे । त्यस पछि समान्य बिवाद भएपछि म रातको समयमा होटल म्याक्स बाट घर तर्फ गए । फागुन ८ गते बिहान उहाँले आज चेँक साटीन्छ बैंक जानु र साँझ पैसा लिएर मलाई भेटनु भन्नु भयो । त्यो दिन १२ बजेको आसपास चेक साटीयो र मैले साँझ नगद पैसा ल्याएर उहाँलाई दिए । पैसा दिई सकेपछि मैले उहाँलाई तपाईका प्रतिवबद्धता पुरा गनु पर्ने मेरो संरक्षकत्व लिनुपर्यो भन्न थाले । उहाँ अटेर गरि रहनु भयो । फागुनको २९ गते म निम बहादुर चलाउने निरज बिरुद्ध प्रलोभनमा पारेर यौन शोषणको मुद्धा लिएर ईलाका प्रहरी कार्यालय कोहलुर पुगे । तत्कालीन डिएसपि रबिन्द्र खनालले एक चोटी वडा अध्यक्ष संग छलफल गर्नुहोस भन्ने आग्रह गनु भयो ।
म ठिक छ भन्दै दिन भर छलफलको पर्खाईमा ईलाका प्रहरी कार्यालयमा बसीरहे तर साँझ पख भने मलाई चेक चोरी मुद्धा भन्दै उल्टै प्रहरी हिरासतमा राखियो ।
चेक चोरी मुद्धाको अनुषन्धान त्यती जटिल नभएपनि मलाई आनाहकमा २३ दिन प्रहरी हिरासतमा राखियो । १ लाख पचास हजार धरौटीमा मलाई अदालतले छाडीदियो । मुद्धा चलिरहेको छ । आफ्नो तर्फबाट सबै प्रमाणहरु मैले अदालतमा पेश गरेकी छु । हाल मलाई बिभिन्न खाले धम्कीहरु आई रहेका छन । म म माथि भएका शोषण बारे छानबिन र कारवाही होस भन्ने माग सहित प्रहरीकोमा पुगेकी थिए । तर प्रहरीले पनि त्यती बेलामा पनि आनावश्यक मुद्धा बनाएर मलाई हिरासतमा राख्यो । अहिले मेरो मुद्धा द्धर्ता गरेको छैन । मलाई न्याय दिलाउन तपाईहरुले कलम चलाई दिनु पर्यो ।

निमबहादुर चलाउने (निरज) :
कोहलपुर ८ पिपरीकी २८ बर्षिय दिल माया परियार बुढाथोकीले आफु माथि लगाएको आरोप निराधार भएको बताएका छन । बुधवार कोहलपुरमा पत्रकार सम्मेलन गरेर दिल मायाले आफु माथि वडा अध्यक्ष चलाउनेले प्रलोभन देखाएर यौन शोषण गरेको आरोप लगाएपछि वडा अध्यक्ष चलाउनेले पनि पत्रकार सम्मेलन मार्फत आरोपको खण्डन गरेका हुन ।

निम बहादुर चलाउनेको पत्रकार सम्मेलनमा जारी प्रेस विज्ञप्ति (जस्ताको त्यस्तै)
मिति २०७८ फागुन ८ गते पि.एस निर्माण सेवाको चेक चोरी भएको, उक्त चोरी भएको चेकको बारेमा खोजतलासमा बैंक स्टेटमेन्ट हेर्दा सरिता कुमारी थारुको नागरिकता प्रमाण पत्र संलग्न गरि उक्त चेक मार्फत रकम रु. ८,००,०००।– अक्षेरुपी आठ लाख लिएको देखिन्छ । सो नागरिकता अनुसार सरिता कुमारी थारुको खोजी गर्दै जाँदा निज भेस्पा सोरुममा कार्यरत भएको भेटियो । भेस्पा सोरुमको वनर हुँ भन्दै परिचय दिँदै हिड्ने, घरको चर्पीमा प्रयोग हुने केमिकल डिष्ट्रीव्युटर्स हुँ भन्दै आएकी बाँके कोहलपुर नगरपालिका वडा नं ८ बस्ने दिलमाया परियार समेत सरिता कुमारी थारु कार्यरत भेस्पा सोरुममा गई सरिता कुमारी थारुलाई दिलमाया परियार बुढाथोकीले अर्काको पैसा हिनामिना किन गरेको भन्दै हप्काउँदै गरे पछि सरिता कुमारी थारुले आफुले त्यस्तो कार्य नगरेको भने पछि निज दिलमाया परियार बुढाथोकीले मेरो स्टाफले गल्ती गरेको हो, निज सरिता कुमारी थारु मेरो कर्मचारी भएकोले सो बैंक चेकबाट झिकिएको रु. ८,००,०००।– अक्षेरुपी आठ लाख रकमको जिम्मा म लिन्छु भन्दै दिलमाया परियार बुढाथोकीले मिति २०७८ फागुन १५ गते आफ्नो नाममा रहेको एन.आई.सि एसिया बैंकको चेक उपलब्ध गराएको हो । उक्त चेकमा समयमा चेक सटही नभए पछि पटक पटकको अनुरोधमा पैसा दिने मनसाय नदेखिएकाले बैंकको सि.सि.टि.भि क्यामेरामा फुटेज हेर्दा स्वयं दिलमाया परियार बुढाथोकीले नै सरिता कुमारी थारुको नामको नागरिकता प्रमाण पत्र राखी चेक सटही गरि पैसा लिदा बैंक स्टाफलाई मै हो सरिता कुमारी थारु भनी रुपैंया लिई बैंकबाट बाहिरिएको स्पष्ट देखिन्छ । सि.सि.टि.भि फुटेजमा निज दिलमाया परियार बुढाथोकीले नै देखिए पछि निजलाई पैसा दिन पटक पटक आग्रह गर्दा समेत त्यस तर्फ कुनै चाँसो नदिइको हुँदा निजको नाममा चेक चोरी सम्बन्धी मुद्दा मिति २०७८ फागुन २९ गते कोहलपुर इलाका प्रहरी कार्यालयमा मुद्दा दर्ता भई दिलमाया परियार बुढाथोकी सोही दिन पक्राउ परि अनुसन्धानमा रहँदा आफ्ना छिमेकी दाई सँगको टेलिफोन वार्तामा मलाई सहयोग गनुए दाई, मेरो जिम्मा लिनु, म्याद थप नगर्नु म निस्के पछि रुं ८,००,००।– आठ लाख दिन्छु, म बाट धेरै ठूलो गल्ती भयो भन्दै गुहार गरेकी दिलमाया परियार बुढाथोकी हाल धरौटीमा छुटेको भएता पनि उक्त मुद्दा किनारा नलागेको र निजले दिएको चेक हाल चेक वाउन्स मुद्दा कानुनी प्रक्रियामा रहेकाले निज दिलमाया परियारले आफु बचाउ गर्न सामाजिक, साँस्कृतिक, लैंगिक, जातिय, राजनैतिक तथा आर्थिकरुपमा समेत असर पुग्ने गरी कुनै पनि समयमा समाचार ल्याउन सक्ने भएकाले निजले प्रचार प्रसार गरेको कुनै पनि भ्रमपूर्ण संवाद, कार्य, सूचना तथा क्रियाकलाप प्रति विस्वस्त नभई दिन हुन सबैमा हार्दिक अपिल गर्दछु । साथै दिलमाया परियार बुढाथोकीले अनुसन्धानमा रहँदा आफ्नो बचाउका लागि छिमेकी दाईसँग गरेको टेलिफोन संवाद समेत पेश गर्दछु ।