बाँके/ राप्रपा नेपालले कोहलपुर-१ वडा सदस्यमा केसिलाई गर्यो सिफारिस आसन्न स्थानीय तहको निर्वाचनमा कोहलपुर नगरपालिका वडा -१ को वडा सदस्यमा युवा नेता सुमन केसि राप्रपा नेपालबाट सिफारिसमा परेका छन् ।

राप्रपा नेपालको भातृ संगठन राष्ट्रिय युवक संगठन नेपालका केन्द्रिय सदस्य र राप्रपा नेपाल कोहलपुर वडा-१ का वडा अध्यक्ष समेत रहेका केसि सामाजिक काममा सक्रिय भएका कारण आफ्नो क्षेत्रमा लाेकप्रिय छन् ।

आफ्नो क्षेत्रका हरेक गतिविधिमा प्रत्यक्ष सरिक हुँदै विकासका निम्ति चिन्तन मनन गर्दै समाजमा अलग पहिचान निर्माण गरेका केसि आफ्नो क्षेत्रको आसा लाग्दो युवा मध्येमा पर्ने गरेका छन् । कोहलपुर क्षेत्रमा युवा व्यवसायीको रुपमा अलग पहिचान निर्माण गर्दै सम्पुर्ण युवाहरु को आदर्श बनेका केसिको साथमा वडाका सम्पुर्ण युवाहरु एक जुट भएर लागेका छन् ।

आफ्नो वडालाई सुक्ष्म रुपमा बुझेका केसिले वडालाई कोहलपुर नगरकै नमूना वडा निर्माण गर्ने योजना बनाएको बताउदै वडाबासीलाई आफुलाई विजयी गराउन अपिल पनि गरेका छन् ।