नेपालगन्ज कोहलपुर सडकखण्डको राँझा चोकमा मंगलबार टिप्परको ठक्करबाट एक पैदल यात्रीको मृत्यु भएको छ । राँझा चोकमा रहेको ट्राफिक प्रहरी र नेपाल प्रहरीकै अगाडी टिप्परले ठककर दिँदा हुम्ला ठेहे निबासी ५५ वर्षीय बिरबल भण्डारीको मृत्यु भएको हो । राप्ती नदीबाट नदीजन्य पदार्थ ल्याएर गनापुरतर्फ जाँदै गरेको टिप्परले मंगलबार बिहान सुरक्षाकर्मीकै अगाडी टिप्परले भण्डारीलाई ठक्कर दिएको स्थान प्रहरी पोस्टदेखि १० मिटर टाढा रहेको छ । स्थानीयकाअनुसार तीव्र गतिमा रहेको टिप्परले भण्डारीलाई ठक्कर दिएर केही मिटरसम्म घिसारेको थियो । ठक्करबाट भण्डारीको घटनास्थलमा नै मृत्यु भएको प्रहरीले जनाएको छ । ठक्कर दिने टिप्परलाई इलाका प्रहरी कार्यालय कोहलपुरले नियन्त्रणमा लिएको छ ।