काेहलपुर / बहुसाँस्कृतिक मनोसामाजिक संस्था ( टि.पि.ओ ) नेपाल सन २००५ मा स्थापना भएको एक गैर सरकारी संस्था हो । यसले नेपालका बिभिन्न जिल्लाहरुमा मनोसामाजिक तथा मानसिक स्वास्थ्यको क्षेत्रमा बिभिन्न कार्यक्रमहरु संचालन,क्षमता अभिबृद्धि कार्यक्रम,अध्ययन अनुसन्धानका कार्य र वकालत गर्दै आइरहेको छ ।

सोही क्रममा इन्टरनेशनल अलर्ट को आर्थिक सहयोग, टि.पि.ओ.नेपाल को प्राबिधिक सहयोग र कोहलपुर नगरपालिका (स्वास्थ्य शाखा)को समन्वयमा मिती २०७८ साल चैत्र १४ गतेका दिन आधारभुत अस्पताल कोहलपुर बाँकेमा मानसिक स्वास्थ्य सम्बन्धि तालिम लिएका कोहलपुर,बैजनाथ र नेपालगन्जका स्वास्थ्यकर्मिहरुको सुपरिबेक्षण गरिनुका साथै द्धन्द्धपिडितहरुका लागी मानसिक स्वास्थ्य सिविर संचालन गरेको थियो ।

मानसिक रोग बिशेषज्ञ डा.धिरेन्द्र पौडेल,डा.रोशनी खत्री ले २५ जना द्धन्दपिडितहरुको स्वास्थ्य परिक्षण गरि निशुल्क औषधी बितरण गर्नुभएको थियो । टि.पि.ओ.नेपालका कार्यक्रम शाखा प्रमुख पिताम्बर कोइराला,कर्ण राज रिमाल ले सहजिकरण गर्नुभएको कार्यक्रममा नगर स्वास्थ्य शाखा कोहलपुरका अनिल सेन ठकुरी,आधारभुत अस्पताल कोहलपुरका डा.संतोष बि.सी.,बैजनाथ का स्वास्थ्यकर्मी हरि प्रसाद पौडेल, नेपालगंजका हेमराज पाण्डे र सर्मिला सुबेदी को उपस्थिती रहेको थियो ।