जाजरकोट/ जाजरकोट कुशे गाउपालिकामा नेकपा एमालेले आमसभा सम्पन्न गरेको छ ।

कुशे गाउँ कमिटीले आयोजना गरेको आमसभामा नेकपा एमाले केन्द्रिय कमिटी सदस्य तथा निर्वाचन बिभागका उप प्रमुख निरज आचार्यले नेकपा एमालेमा सम्पूर्ण देशबासी अटाउने भएकाले समुन्द्र जस्तै भएको जिकिर गरेका छन् ।

आचार्यले आफ्नाे मन्तब्यकाे क्रममा सुखी नेपाली, समृद्ध नेपालको लागि संगै यात्रा गरेका र अहिले अलग्गिएका सहक्रमीहरुलाई बैशाखि टेकेर यात्रा गर्नु भन्दा आफ्नै क्षमताले गरेको यात्रा सुन्दर हुने भन्दै मुल घर फर्कन आग्रह गरे ।

नेकपा एमालेको लोकप्रियतालाई सहन नसक्नेहरुले नकारात्मक भ्रम छर्दै देश र जनता लाई अन्योलमा पारेको आरोप लगाउदै देशले असल अभिभावक खोजिरहेको बेला सत्ता स्वार्थमा लिप्त भएर राष्ट्रिय हित बिपरित काम गरिरहेको गठबन्धन सरकार कदापि देश र जनताको हितमा नरहेकाले अब जनता सचेत भइ अघि बढ्न नेता आचार्यले आग्रह गरेका छन् ।

उक्त आमसभामा नेकपा एमालेका पोलिटब्युरो सदस्य भैरव श्रेष्ठ , केन्द्रिय सदस्य डम्बर सिंह, सिपि घर्ती , प्रदेश कमिटि उपाध्यक्ष लाल बहादुर महतारा ,
जिल्ला अध्यक्ष खिम शाही ,जिल्ला सचिव वीर बहादुर गिरि ,उप सचीव नर बहादुर बस्नेत र गोपाल नेपाली
,राष्ट्रिय युवा संघका केन्द्रिय सचिव राजन थापा,अनेरास्ववियु केन्द्रिय कमिटी सदस्य दिनेश गौतम लगायतका नेताहरुको उपस्तिथि भएको सभाको सभापतित्व जय बहादुर बिकले गरेका थिए ।