काेहलपुर/ आज ११२ औँ अन्तर्राष्ट्रिय नारी दिवस । ‘सामाजिक न्याय र लैङ्गिक समानता, दिगो विकासको सुनिश्चितता’ भन्ने नाराका साथ आज राप्रपा नेपालले पनि विभिन्न कार्यक्रमसहित यो दिवस मनाएकाे छ ।

कमल थापाले नेतृत्व गरेकाे राप्रपा नेपालकाे देशैभरमा संगठन विस्तार हुने क्रम जारी रहेकाे छ । आज बांकेकाे काेहलपुरमा राष्ट्रिय प्रजातान्त्रिक महिला संगठन नेपाल काेहलपुर नगर कार्यसमिति घाेषणा भएकाे छ । मिना मल्लकाे संयाेजकत्वमा २१ सदस्यीय काेहलपुर महिला नगर कार्यसमिति  घाेषणा भएकाे हाे ।

बढ्दाे पेट्रोलियम पदार्थको मूल्य वृद्धि तथा माेरङ जिल्लामा बलात्कार पछि हत्या गरिएकाे करूणा राईकाे न्यायका लागि  राप्रपा नेपाल काेहलपुर महिला नगर कार्यसमितिले विराेध कार्यक्रम सम्पन्न गरेकाे छ ।

कार्यक्रममा राप्रपा नेपालका केन्द्रीय सहमहामन्त्री हिक्मत ढकालले महिला हिंसा, अन्याय, अत्याचार का विरुद्धमा महिला अधिकारकाे सुनिश्चितता काे सरकारले महत्त्वपूर्ण कदम चाल्नु पर्ने बताउनु भएकाे छ । ढकालले महिलाहरु अहिले असुरक्षित रहदै गईरहेकाेमा स्थानिय स्तरबाट नै जनचेतना व्यापक रुपमा बढाउदै जानू पर्ने बताउनु भयाे ।

कार्यक्रममा राप्रपा नेपालका केन्द्रीय सदस्य लक्ष्मी हमाल, श्रीधर सुवेदी, नगर अध्यक्ष प्रमात कुमार श्रेष्ठले, राप्रपा युवक संगठनका केन्द्रीय सदस्य सुमन के.सि, राप्रपा नेपालका पुर्व केन्द्रीय सदस्य गुमानसिंह थापा, राप्रपा नेपालका नेता यज्ञराज रेग्मी, ट्रेड युनियन महासंघ नेपाल (टुकाेन) काे जिल्ला अध्यक्ष अमृता चन्द लगायतका नेताहरुकाे उपस्थिति रहेकाे थियाे ।

नारी दिवस किन मनाईन्छ ?

हरेक वर्ष मार्च ८ तारिखमा अन्तर्राष्ट्रिय नारी दिवस मनाउने गरिन्छ । नारी मुक्ति आन्दोलनकी अभियन्ता क्लारा जेट्किनले सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएको दिनको स्मरणमा विश्वभर नारी दिवस मनाउन थालिएको हो ।

सन् १९७५ मा संयुक्त राष्ट्रसङ्घले मार्च ८ लाई अन्तर्राष्ट्रिय नारी दिवसका रुपमा घोषणा गरेको हो । नेपालमा संविधानले लैङ्गिक आधारमा कुनै पनि महिलामा कुनै किसिमका असमान ब्यवहार हुन नदिने प्रष्ट उल्लेख गरेको छ ।

जनसंख्याको हिसाबले आधा धर्ती ओगट्ने महिलाको अवस्था नाजुक रहेको विभिन्न परिसूचक तथा तथ्याङ्कहरुले देखाउँछ । लैङ्गिक विभेदका आधारमा रहेका यस्ता किसिमका अनगिन्ती असमानता हटाउन समाजमा लैङ्गिक न्याय र समानता कायम गर्न नेपालले अनेकौँ राष्ट्रिय तथा अन्तर्राष्ट्रिय प्रतिबद्धताहरु जनाएको पनि छ ।

तर महिलाविरुद्धको शोषण, असमानता, विभेद अन्त्य भइसकेको छैन । त्यसैले प्रत्येक वर्ष नारी दिवस मनाइरहँदा वास्तविक शोषित, पीडित महिलाका आधारभूत सवालहरुमा दिवसले के ग-यो भन्ने गम्भीर रुपमा उठ्ने गर्छ ।