कोहलपुर/ बाँकेको कोहलपुर नगरपालिकामा कमल थापा नेतृत्वको राप्रपा नेपाल को नगर कार्यसमिती घोषण भएको छ । घोषण सभामा राप्रपा नेपालका केन्द्रिय सह महामन्त्री हिक्मत बहादुर ढकालको प्रमुख आतिथ्यतामा भएको हो ।

सभामा बोल्दै ढकालले “ राप्रपा नेपाल देशको अग्रणी शक्ति बन्ने घोषण गरेका छन् । राज सस्था प्रती उच्च सम्मान देखाउदै पाटी कसैको भजन मण्डली नभई राष्ट्र र जनताको हितमा हुनु पर्ने जिकिर गरेका छन् । राप्रपा नेपाल सनातन हिन्दु धर्मको पक्ष छ, देशको एउटा पहिचान हुनु पर्छ त्यो हिन्दु राष्ट्र हो भन्ने उनले बताए । हिजोका गणतन्त्रवादिहरु अहिले सक्कली राजावादी भन्दै जनता झुक्याई रहेको ढकालले बताएका छन् ।”

घोषण सभामा राप्रपा नेपालका केन्द्रिय सदस्य खेमराज गौतम, श्रीधर सुवेदी, टोपेन्द्र शाही , मो. खालिद इराकी, लक्ष्मी हमाल, जिल्ला अध्यक्ष दिपेन्द्र सिंह ठाकुर लगाएतको उपस्थिति रहेको थियो ।

घोषणा सभा
२१ सदस्यीय नगर कार्यसमिती प्रमात कुमार श्रेष्ठको अध्यक्षतामा गठन गरिएको छ । आजै कोहलपुर नगरपालिका वडा नं २ मा सुरज लाल थारुको अध्यक्षतामा १५ सदस्यीय वडा कमिटि गठन पनि गठन भएको छ । उक्त सभामा आगामि स्थानिय तहको निर्वाचनमा २ नम्बर वडा अध्यक्ष पदमा सुरज लाल थारुलाई उम्मेदवार घोषणा गरिएको छ ।

कार्यालय उद्घाटन
राप्रपा नेपालका सहमहामन्त्री हिक्मत ढकालले कोहलपुर नगर कार्यसमितिको कार्यालय कोहलपुर गोलपार्क स्थित कार्यालय र कोहलपुर वडा नं २ वडा कार्यलयको पनि उद्घाटन गर्नुभएको हो । र छिट्टै नै कोहलपुर नगरपालिकाका सम्पूर्ण वडाहरुमा वडा कार्यालय स्थापना गरिने सह महामन्त्री ढकालले बताउनुभएको छ ।

पार्टी प्रवेश
कमल थापाले नेतृत्व गरेको राप्रपा नेपालमा विभिन्न पार्टी परित्याग गरि आउने क्रम जारी रहेको र आजै सम्पन्न घोषणा सभामा राप्रपा का पुर्व केन्द्रीय सदस्य गुमान सिंह थापा लगायत विभिन्न पाटी परित्याग गरि झन्डै ५० भन्दा बढि राप्रपा नेपाल प्रवेश गरेको केन्द्रिय सदस्य श्रीधर सुवेदीले बताए ।