राष्ट्रिय प्रजातन्त्र पाटी नेपालको विस्तारित पदाधिकारीमा बाँकेबाट नेता हिक्मत ढकाल केन्द्रिय सह महामन्त्रीमा चयन भएका छन् । राप्रपा नेपालका अध्यक्ष कमल थापाले राप्रपा नेपालको विधान २०७८ बमोजिम केन्द्रीय समितिमा पदाधिकारीहरु थप गर्ने क्रममा लुम्बिनी क्षेत्रका प्रभावशाली नेता ढकाल सह–महामन्त्री पदमा चयन भएका हुन् ।

राप्रपाबाट राजनीतिक यात्रा थालनी गरेका नेता ढकाल निरन्तर रुपमा अविचलित रुपमा हिन्दु राज्यको मुद्दामा खरो रुपमा प्रस्तुत हुँदै आएका छन् । संगठन विस्तारमा कुशल भूमिका निर्वाह गर्दै आइरहेका ढकाल आम कार्यकताहरुको पनि मन जित्न फिल नेताको रुपमा लिने गरिएको छ । उनको नेतृत्वमा बाँके जिल्ला क्षेत्र नं. १ मात्र नभई जिल्ला भरको संगठन निर्माण र सुदृढिकरणमा आक्रामक रुपमा अगाडी बढ्दै फरक आस्था विचारका सयौं व्यक्तिहरुलाई पटक–पटक राप्रपामा भित्र्याउन सफल भएका थिए ।
राप्रपा तथा एकिकरण अघिको राप्रपा नेपालको केन्द्रिय पदाधिकारीको रुपमा काम गरिसकेका ढकाल पुनः कमल थापा नेतृत्वको राप्रपा नेपालको सह महामन्त्री पदमा चयन हुनुपछाडी केन्द्रिय नेतृत्वमा यस अघिको उनको कार्यशैली र भूमिकालाई लिइएको छ ।