नयाँ व्यवस्थापन सहित सेवा प्रवाह गरिरहेको कोहलपुर क्षेत्रकै पहिलो ५ तारे होटल सेन्ट्रल प्लाजामा अब न्यून आयस्तर भएका सेवाग्राहीले समेत गुणस्तरीय सेवा लिन सक्ने व्यवस्थापन मिलाइएको छ । सबै श्रेणीका सेवाग्राहीहरुलाई फरक र गुणस्तरीय सेवा प्रवाह गर्ने उद्देश्य अनुसार अग्नी समूहद्वारा सञ्चालित होटल सेन्ट्रल प्लाजाले कोरोना महाहारीको जोखिम कम हुँदै गइरहेकाले विभिन्न प्याकेज सहित आन्तरिक र बाह्य पर्यटकहरुका लागि विभिन्न योजनाहरु अघि सारेको हो । लुम्बिनी, कर्णाली र सुदुरपश्चिमका आन्तरीक तथा बाह्य पर्यटकलाई सुविधा पु¥याउने लक्ष्य राखेको होटलले पर्यटन विभागबाट पाँच तारेस्तरको प्रमाणपत्र पाइसकेको छ ।

होटलका प्रवन्धक समिर भी कुमारका अनुसार ५ तारे होटलको सबै मापदण्ड पुरा गरिसकेको बताउँदै गुणस्तरीय सेवा प्रवाहमा कुनै कसर बाँकी नराख्ने बताएका छन् । होटलमा स्पा, जिम, सहित प्रेसिडेन्सियल स्वीट रुम, फेमली स्वीट रुम, सुपर डिलक्स र डिलक्स रुमहरु छन् । विशेष गरी भारतीय पर्यटकहरुलाई लक्षित गरेर नेपाली सिमा नजिकका भारतीय शहरहरु बहराइच, नानपारा र लखनउमा प्रचार प्रसारको गतिविधीहरु व्यवस्थापन पक्षले सञ्चालन गरिरहेको होटलका प्रवन्धक कुमारले जानकारी दिए । अब लगत्तै होटलमा अत्याधुनिक सुविधा सहितका ९ वटा रुमहरु निर्माण कार्य अन्तिम चरणमा पुगेको बताउँदै अग्नी समूहले सञ्चालन अघि भन्दा अब होटलले प्रदान गर्ने सेवा सुविधाहरुमा समेत भारी मात्रामा संरचनाहरु समेत थप हुने भएको छ । विशेष गरी निकट समयमा होटलले मसाज, स्पा, फिटनेस–जिम, स्विमिङ्ग तथा चरण चरणमा विभिन्न फेस्टिवलहरुको आयोजनालाई निरन्तर रुपमा अगाडी बढाउने तयारी पुरा भइसकेको व्यवस्थापन पक्षले जनाएको छ ।

अहिले यस क्षेत्रका मोःमोःका पारखीहरुको चाहनालाई ध्यानमा राखेर मोःमोः फेस्टिवल सञ्चालन भइरहेको छ । यो फेस्टिवलको समयावधी १ महिना तोकिएको छ । यही फेब्रुअरी २१ देखि मार्च २१ सम्म मोःमोःका २७ प्रकारका भेज तथा ननभेजका परिकारहरुमध्ये आपूmलाई मन पर्ने प्रकारको मोःमोःका स्वाद जो कोहीले पनि लिन सक्ने होटलले बताएको छ ।
बाँके र बर्दियामा रहेका पर्यटकीय क्षेत्रहरुको पर्यापर्यटन प्रवद्र्वनमा समेत होटलले मद्दत पु¥याइरहेको होटलले जनाएको छ । बर्दिया राष्ट्रिय निकुञ्ज, बाँके राष्ट्रिय निकुञ्ज र गाभर क्षेत्रमा सञ्चालित होम स्टे हरुमा विभिन्न प्याकेज तयार पारी होटलमा आउने आन्तरिक तथा वाह्य पर्यटकहरुलाई भ्रमण तथा अवलोकनको प्रबन्ध समेत होटलले मिलाउँदै आएको छ । पछिल्लो समयमा होटलले माउन्टेन हेलिकप्टरस् प्रा.ली. सँग सम्झौता गरेर इच्छुक आन्तरिक तथा बाह्य पर्यटकले चाहेको खण्डमा रारा टुरको समेत व्यवस्थापन मिलाएको होटलका सेल्स म्यानेजर रमेश पाठकले बताए । अब हरेक साता लाइभ म्युजिक सञ्चालन पनि शुरु हुन गइरहेको बताउँदैे विभिन्न पर्व तथा विशेष दिन अवशरमा मनोरन्जनात्मक सांगीतिक गतिविधीहरु समेत आयोजना भइराख्ने होटलका फ्रन्ट म्यानेजर माधव सुवेदीले जानकारी दिएका छन् ।
होटलमा सबै वर्गलाई जोड्ने अभियान अन्र्तगत बैंक तथा वित्तीय क्षेत्रका कर्मचारीहरुलाई विशेष सहुलियत सेवा प्रवाह गरिने बताइएको छ । बाँके जिल्लावासीहरुको सुविधालाई ध्यानमा राखेर पारिवारिक जन्मदिन, विवाह तथा अन्य उत्सवहरुमा निशुल्क यातायात सेवा पनि होटलले दिने बताइएको छ । विशेष गरी मध्यम आय भएका व्यक्तिहरुका लागि न्यूनतम सेवा शुल्कमा गुणस्तरीय सेवा प्रवाहलाई प्रथमिकतामा राखेर विभिन्न प्याकेज तथा फेस्टिवलहरु आयोजनालाई निरन्तरता दिने होटलले जनाएको छ ।