काठमाडौँ, ६ फागुन

सत्तारुढ दल नेपाली कांग्रेसका महामन्त्री गगनकुमार थापाले अमेरिकी सहयोग परियोजना मिलेनिय च्यालेन्ज कर्पाेरेशन (एमसीसी) मा कुरा नमिले गठबन्धनसँगको सम्बन्ध टुट्ने बताउनुभएको छ ।  

शुक्रबार प्रतिनिधिसभाको बैठकपछि सञ्चारकर्मीसँगको कुराकानीमा गठबन्धनबाटै संसद्मा एमसीसी टेबुल गर्न नदिइएमा सम्बन्ध तोडिने बताउनुभएको हो ।

उहाँले भन्नुभयो, ‘हाम्रोबीचमा कुरा मिल्यो, गठबन्धन चलिराख्छ । हाम्रो बीचमा कुरा मिलेन, यो गठबन्धन चल्दैन । कुराकानी पनि नमिल्ने, गठबनधन पनि चलिराख्ने भन्ने हुँदैन ।’

गठबन्धनका दल नेकपा माओवादी केन्द्र र नेकपा (एकीकृत समाजवादील)ले भने एमसीसीलाई चुनावपछि बहस गर्ने भन्ने विषयमा पनि महामन्त्री थापाले भन्नुभयो, ‘यो अहिले राष्ट्रघाति हो भने चुनावपछि पनि राष्ट्रघाति हुन्छ ।’