बाँकेमा राष्ट्रिय प्रजातन्त्र पार्टीको सदस्यता परित्याग गरेको घोषणा गर्ने नेताहरुको लाम लागेको छ । पार्टीका पूर्व केन्द्रिय सदस्य तथा केन्द्रिय कार्य सम्पादन समिति सदस्य हिक्मत ढकालले पनि राप्रपा परित्याग गरेको घोषणा गरेका छन् ।

राप्रपा नेता ढकालले सामाजिक सञ्जाल फेसबुक मार्फत आफू सहित २ जना पूर्व केन्द्रिय सदस्य टोपेन्द्र बहादुर शाही र खेमराज गौतमले पार्टी परित्याग गरेको घोषणा गरेका हुन् । उनले आफ्mनो फेसबुक स्टाटसमा लेखेका छन्–“ ३१ बर्ष को राप्रपाको यात्राबाट साधारण सदस्यमा समेत नबस्ने गरी पार्टी परीत्याग गर्दछौ । कसैप्रती हाम्रो गुनासो , सिकायत छैन, बिगत मा आफुले गरेका कामप्रती आत्मगौरब गर्दछौ । हाम्रा सबै सहकर्मी शुभेच्छुक र पार्टीमा सँग–सँगै कामगरेका सम्पूर्ण साथी हरुप्रती हार्दिक नमन् तथा सहयोग का लागी धन्यबाद ।….अलबिदा राप्रपा …..टोपेन्द्र ब.शाही , हिक्मत ढकाल, खेमराज गौतम पुर्ब केन्द्रिय सदस्य ।”

राष्ट्रिय प्रजातान्त्र पार्टीका निवर्तमान अध्यक्ष तथा पुर्व उप–प्रधानमन्त्री कमल थापाले राप्रपाबाट अलग हुने निर्णय गरेसँगै ै पार्टीको संगठानिक संरचनाहरूमा समेत असर देखिन थालेको छ । यसै गरी तत्कालिन राप्रपा नेपालका पूर्व जिल्ला अध्यक्ष तथा राप्रपा नेताहरु दिपेन्द्र सिंह, निवर्तमान कृन्द्रिय सदस्य तथा मुस्लिम आयोग सदस्य सचिव मोहम्बद खालिद इकवाल इराकी, पूर्व केन्द्रिय सदस्य आशा धिमालले पनि राप्रपा परित्याग गरेको घोषणा गरेका छन् । बाँकेका प्रभावशाली राप्रपा नेताहरुले पार्टी परित्याग गरेको घोषणा गरेपछि राप्रपा बाँकेमा पहिरो नै गएको छ । जिल्लामा राप्रपाको संगठन विस्तारमा महत्वपूर्ण भूमिका निर्वाह गरेको पूर्व केन्द्रिय सदस्य ढकालले राप्रपा परित्याग गरेपछि ढकाल पक्षका युवा, व्यवसायी तथा आम कार्यकर्ताहरु पनि ढकालकै पक्षमा देखिएका छन् । यसै गरी राप्रपा बाँकेको २ कार्यकाल पार्टी प्रवक्ता समेत रहेका युवा नेता श्रीधर सुवेदीले पनि यसअघि नै राप्रपा पार्टी परित्याग गरेको घोषणा गरिसकेका छन् ।