बाँकेको बैजनाथ गाउँपालिका वडा न २ मा आधारभुत स्वास्थ्य सेवा केन्द्रको सुबिधा सम्पन्न भवन निमार्ण गरिएको छ । करिब ४२ लाख बजेटमा उक्त भबन निमार्ण गरिएको हो । वडा कार्यालय नजिकै ६ कोठाको सुबिधा सम्पन्न एक तलाको भवन निमार्ण गरिएको बैजनाथ गाउँपालिका वडा न २ का वडा अधयक्ष प्रेम बहादुर थापाले जानकारी दिनुभयो । स्वास्थ्थ संस्था बाट बिशेषज्ञ सेवा , प्रसुती सेवा लगायतका आधारभुत स्वास्थ्य सेवा सहज रुपमा प्रदान गरिने थापाले बताउनुभयो । आफ्नै भबन नहुदा सोचे अनुसार सेवा प्रबाह गर्न समस्या भएका कारण आफ्नै भवन निमार्ण गरिएको थापाले बताउनुभयो । अब केही समय पछि सुबिधा सम्पन्न भवनबाटै सेवा प्रवाह गर्ने तयारी समेत भैइरहेको छ । नवनिर्मित भवनको रंगरोगन को काम सम्पन्न भएको र अब छिटै आफ्नै भवन बाट सेवा प्रवाह गरिने थापाले बताउनुभयो । नवनिर्मित भवनबाट सुविधा सहितको स्वास्थ्य सेवा प्रवाह हुन सकेमा हजारौ स्थानिय आम नागरिकहरु लाभान्वित हुनेछन् ।