कोहलपुर / बाँकेको बैजनाथ गाउपालिलका वडा नं ५ रंगिलाचोक स्थित गएराति भएको सवारी दुर्घटनामा सल्यान कालिमाटी गाउँपालिका वडा नं ७ घुँइयाबारी बस्ने बर्ष ६० कि गोरी बुढाको मृत्यु भएको छ ।

कौसिल्या अस्पताल प्रा.लि बाँसगढी शाखा उल्लेख गरिएको अस्पतालको बा.प्र.०१–०२५च ११२६ को सुजुकी कम्पनीको इयोन गाडीले हिजो राति करिब ९ः४० बजे ठक्कर दिई फरार भएको थियो । गाडी चालक जिल्ला बर्दिया बारबर्दिया नगरपालिका वडा नं ७ बस्ने बर्ष २२ का बालाराम भण्डारीलाई प्रहरीले आफ्नो नियन्त्रणमा लिएको छ । ठक्कर पश्चात स्थानियले कोहलपुर मेडिकल कलेज शिक्षण अस्पताल कोहलपुर पु¥याइएको गोरी बुढालाई बचाउन असफल रहे ।

प्रहरी अपरेशन
प्रहरीले सडक दुर्घटना गरी फरार रहेको गाडिको हेडलाइट फुटेको केही टुक्रा घटनास्थलबाट संकलन गरी कुन कम्पनीको गाडी हुन सक्ने पहिचान गर्यो । प्रहरीले सोही दिशा तर्फ चल्ने सम्भावित गाडिको रेकी गर्यो । विभिन्न स्थानहरुमा प्रहरी चालन गरी घटनाको २४ घण्टा नवित्दै प्रहरीले गाडि र चालकलाई नियन्त्रणमा लिन सफल भयो ।

मानवता हरायो
दुर्घटनामा परि मृतक गोरी बुढाका आफन्तहरु विहानै देखी कोहलपुर इलाका प्रहरी कार्यालयमा पुगेका थिए । प्रहरीले यता आफ्नो सर्कुलेशन गरिनै रहेको थियो । घटनाको विवरण आउँदै गर्दा मानवता हराएको दुखेसो पोखिरहेका थिए गोरीका आफन्तीहरुले । मानव स्वास्थ्यकै संवेदनशिल विषयमा उपचारगर्दै आइरहेको अस्पतालको गाडिले ठक्कर दिई फरार हुँदा मानवता हरायो भन्छन् मृतकका आफन्ती । मान्छे बचाउने जिम्मेवार निकायकै साधनबाट ठक्कर दिई फरार हुनु उक्त संस्था र सो संस्थाका कार्यरत कर्मचारीको गैरजिम्मेवारी पनका कारण आज मावनता हरायो भन्छन् पीडित पक्ष ।

छलफल
मृतक गोरी बुढाका आफन्ती र कौसिल्या अस्पताल प्रा.लि प्रशासनका बीच कोहलपुर इलाका प्रहरी कार्यालय कोहलपुरको छलफल कक्षमा विहानै देखी छलफल शुरु भएको छ । छलफलमा अस्पताल प्रशासनले विमाबाट पाउने ५ लाख रुपैंया र क्रिया खर्च ५० हजार रुपैया दिने र मृतक गोरी बुढाको शवलाई घरसम्म पुरयाउने व्यवस्था गर्ने प्रस्ताव यो समाचार तयार पर्दा सम्म आएको छ ।

याे पनि पढ्नुहाेस्

अनुमति नलिई कौसिल्या अस्पतालको शाखा बाँसगढीमा