काठमाडौँ, २ माघ

कोरोना संक्रमणबाट आज थप ३ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ६ सय २० पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा थप ४९६१ जनामा कोरोना भाइरस (कोभिड-१९) को संक्रमण पुष्टि भएको छ । योसंगै कुल संक्रमितको संख्या ८ लाख ५४ हजार १६५ पुगेको मन्त्रालयले जनाएको छ ।

त्यस्तै, आज ४ सय ३५ जना संक्रमणमुक्त भएका छन् । हालसम्म आठ लाख १६ हजार ४ सय ३८ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १५ हजार १ सय ३१ जनामा परिक्षण गर्दा उक्त संक्रमण पुष्टि भएको हो