मध्यावधी निर्वाचनमा उनको लोकप्रियता ह्वात्तै बढेको देखेर विपक्षी संसदवादी अन्य दलका नेताहरुले राजनीतिक प्रतिशोध साँध्न रचेको षडयन्त्रमा परेर प्रहरी गिरफ्तारीको सूचीमा समेत परेका थिए । स्व. नेता खड्का, दिपक गिरी, गेहेन्द्र गिरी लगाएत उनी सहित २८ जना प्रहरी गिरफ्तारीको सूचीमा परेपनि चलाउने पक्राउ पर्नबाट जोगिएका थिए ।

राजनीति, समाजसेवा र पर्यटन व्यवसायलाई एकैसाथ अगाडी बढाउन सफल युवा हुन् निम बहादुर चलाउने निरज । सामान्य मध्यम वर्गिय परिवारमा दाङ्गको बिजौरीमा जन्म भएपनि कर्मथलो कोहलपुरलाई रोजेका राजनीतिक सम्भावन उच्च रहेका नेपाली काँग्रेसका चर्चित युवा नेता पनि हुन् चलाउने । माध्यामिक तहसम्मको अध्ययनको क्रममा दाङ्गका पुराना प्रभावशाली काँग्रेस नेता जुद्ध बहादुर न्यौपानेबाट प्रभावित बनेर राजनीतिक गतिविधीमा सक्रिय सहभागिता जनाउन शुरु गरिसकेका थिए चलाउनेले । दाङ्ग दुधराजमा रहेको विद्यालयमा माध्यामिक तहको पढाई पुरा भएपछि उच्च शिक्षा अध्ययनका लागि दाङ घोराहीमा रहेको भरतपुर बहुमुखी क्याम्पसमा अध्ययनको थालनी भएसँगै उनको राजनीति यात्राले पनि बाटो समात्यो । त्यसबेला नेपाली काँग्रेसका प्रभावशाली नेता तथा मन्त्री समेत रहेका चर्चित नेता खुमबहादुर खड्काको प्रभाव दाङ जिल्लाभरी थियो । क्याम्पस अध्ययनका क्रममा नेपाल विद्यार्थी संघमार्फत राजनीतिक यात्रालाई निरन्तरता दिइरहेका चलाउने युवामैत्री नेताको छवि बनाएका स्व. नेता खुमबहादुर खड्काका विश्वासपात्र समेत बन्न पुगे । कर्मयोगी स्वभावका चलाउनेको राजनीतिक सम्भावनालाई त्यतिबेला नै स्व.नेता खड्का सहितको नेतृत्वले राम्रोसँग बुझेको थियो । २०५१ सालको आम चुनावमा बिजौरी गाविसको प्रचार प्रसार संयोजकको जिम्मेवारी पाएकोमा उनले कुशलतापूर्वक पार्टीले दिएको जिम्मेवारी पुरा गरेका थिए । मध्यावधी निर्वाचनमा उनको लोकप्रियता ह्वात्तै बढेको देखेर विपक्षी संसदवादी अन्य दलका नेताहरुले राजनीतिक प्रतिशोध साँध्न रचेको षडयन्त्रमा परेर प्रहरी गिरफ्तारीको सूचीमा समेत परेका थिए । स्व. नेता खड्का, दिपक गिरी, गेहेन्द्र गिरी लगाएत उनी सहित २८ जना प्रहरी गिरफ्तारीको सूचीमा परेपनि चलाउने पक्राउ पर्नबाट जोगिएका थिए । त्यो बेला प्रहरी गिरफ्तारी तथा गिरफ्तारीको सूचीमा पर्नेमध्येमा चलाउने सबैभन्दा कान्छो उमेरका थिए ।

काँग्रेस नेता स्व. खुमबहादुर खड्कालाई आफ्नो राजनीतिक गुरु मान्ने चलाउने तत्कालिन माओवादी पार्टीले गरेको विद्रोहका कारण गाउँमा असुरक्षित बन्न पुगे । बिद्रोही पक्षबाट निरन्तर धम्की आइरहेपछि २०६३ सालमा दाङ्गबाट बसाई सरेर कोहलपुरमा आइपुगे । राजनीतिक चेतना उच्च भएका, स्पष्ट वक्ता चलाउने कोहलपुरमा यातायात ब्यवसायीको रुपमा परिचय बनाए । उनी १० वर्ष ४ कार्यकाल नमस्ते नेपाल यातायात व्यवसायी समितिको निर्विरोध अध्यक्ष भएर उनले नेतृत्व गरेको यातायात व्यवसायी समितिलाई सबै कोणबाट सफल र स्थापित संस्थाको रुपमा विकसित गर्न सफल भए । यातायात व्यवसायी तथा मजदुरहरुका साझा समस्या समाधानका लागि विशेष भूमिका निर्वाह गर्दै उनले कोहलपुरमा स्तरीय उत्कृष्ट सेवा सहितको रेष्टुरेन्ट सञ्चालन गरेर सफल उद्यमीको पनि परिचय बनाउन सफल भए । यस क्षेत्रको शैक्षिक क्षेत्रमा पनि उपस्थिती जनाउँदै कोहलपुरमा नमूना विद्या सदन नामको निजी विद्यालय सञ्चालन गरेर शैक्षिक अभियन्ताको रुपमा पनि उनले आफुलाई अघि सारे । अहिले करोडौको लगानीमा कोहलपुरमा सञ्चालन गरिरेहको ट्रि–टप ह्याभेन रेष्टुरेन्टलाई तीन तारे होटलमा अद्यावधिक गर्दै निर्माण अन्तिम चरणमा पु¥याएका छन् । उनले सञ्चालन गरेका निजी क्षेत्रका व्यवसाय तथा विद्यालयमा गरेर करिब १ सय बढिले प्रत्यक्ष रोजगारी समेत पाइरहेका छन् । तारे होटल सञ्चालन भएपछि रोजगारी संख्या निश्चित छ । उनले आफुलाई यस क्षेत्रका सफल रोजगारदाताहरुको सूचीमा आफूलाई प्रस्तुत गरेका छन् ।

नेपाल राष्ट्रिय यातायात व्यवसायी संघको भेरी अञ्चल सचिव समेत रहेका चलाउने २०६४ सालको संविधानसभा निर्वाचनमा पार्टीले अघि सारेका उमेद्वारलाई बिजयी बनाउन सबै चुनावी गतिविधीमा सक्रिय सहभागिता जनाउँदै नेपाली काँग्रेसको १२ औ महाधिवेशन अन्र्तगतको नगर अधिवेशनमार्फत नेपाली काँग्रेस कोहलपुर नगर समितिको सचिव पदमा चयन भएका थिए । १३ औं महाधिवेशनमार्फत क्षेत्रीय प्रतिनिधीमा चयन भएका चलाउने नेपाली काँग्रेस बाँके क्षेत्र नं.१ को संगठन विभाग प्रमुखको जिम्मेवारी कुशलतापूर्वक निर्वाह समेत गरे । २०७४ सालको स्थानिय तहको निर्वाचनमा कोहलपुर नगरपालिका वडा नं. १० को वडाध्यक्षको उमेद्वार बनेका चलाउने लोकप्रिय मतसहित वडाध्यक्षमा निर्वाचित भए । वडाध्यक्षमा निर्वाचित चएन भएपछि उनले दैनिक भ्रमण भत्ता, यातायात भत्ता लगाएत अन्य शिर्षकका कुनै पनि भत्ता लिएका छैनन् । अन्य वडाको तुलनामा विकासमा वडा नं. १० सफल हुनुको पछाडी उनको विशेष रणनीतिहरु सफल रुपमा कार्यान्वयनमा ल्याउन सफल भएको उनी बताउँछन् । उनले आफ्नो पारिश्रमिकबाट केही रकम वडा तथा नगर क्षेत्रमा रहेका अति विपन्न परिवार, अपाङ्गता भएका व्यक्ति तथा न्यून मजदुर श्रमिकवर्गहरुलाई आर्थिक सहायता गर्दै आइरहेका छन् । वडाध्यक्षमा निर्वाचित भएपछि उनले कोहलपुर नगरपालिकामा हुने गरेर आर्थिक अनियमितता र सुशासनका पक्षमा खरो रुपमा प्रस्तुत हुँदै आएका छन् । कोहलपुर नगर कार्यपालिकामा सशक्त प्रतिपक्षी दलको नेताको रुपमा समेत परिचित छन् । उनले नगरपालिकाभित्र हुने चरम आर्थिक अनियमितता, नियम तथा ऐनविपरित हुने निर्णयहरुको विरोध गर्दै आर्थिक पारदर्शिताको मुद्दामा नगरपालिकालाई सहि मार्गमा डोर्याउन उद्दतता देखाइरहेका छन् ।

अहिले उनै लोप्रिय युवा उद्यमी, व्यवसायी तथा नेता चलाउने नेपाली काँग्रेसको जिल्ला नेतृत्व पदाधिकारीमध्येको सचिव पदको मैदानमा उत्रिएका छन् । नेपाली काँग्रेसको १४ औं महाधिवेशन अन्र्तगत बाँके जिल्लाको जिल्ला अधिवेशनको मिति यही पौष २७ गते तय भएको छ । जिल्लाभरका युवाहरुमा राम्रो प्रभाव बनाएका युवा नेता चलाउने जिल्ला सचिवका प्रत्याक्षी बलियो उमेद्वारको रुपमा हेरिएको छ ।