सार्वजनिक जमिन दोहन गरेर अवैध रुपमा माटोको विक्री वितरण भइरहेको समाचार यस अनलाइन पोर्टलमा प्रकाशन भएपछि सम्बन्धित निकायको ध्यानाकर्षण भएको छ । जिल्लाको बैजनाथ गाउँपालिका अन्र्तगत विभिन्न स्थानमा रहेको सरकारी र सार्वजनिक जमिनमा माटो उत्खनन गरेर ट्याक्टर, ट्रिप्पर प्रयोग गरेर केही निर्माण व्यवसायी नै अवैध तरिकाले माटो विक्री गर्ने गरिरहेको समाचार प्रकाशित भएपछि नौवस्ता औद्योगिक क्षेत्र परियोजनाले निगरानी बढाउँदै कारवाहीको प्क्रिया समेत अगाडी बढाएको छ । वैजनाथ गाउँपालिका अन्र्तगत नौवस्तामा रहेको औद्योगिक क्षेत्र निर्माणस्थल, डिगिया, गाभर क्षेत्रबाट निर्वाध रुपमा निर्माण व्यवसायीले अवैध रुपमा माटो उत्खनन गर्दा पनि सरोकारवाल तथा नियामक निकाय मौन बस्दा सरकारी तथा सार्वजनिक जमिनको दोहन बढेको थियो । पछिल्लो समयमा नदीजन्य सामाग्री उत्खननमा रोक लागेपछि निर्माण व्यवसायीहरु अवैध माटो उत्खनन तथा भण्डारमा गिद्दे नजर बढाएको जनगुनासो बढेपछि न्यूज नमस्ते न्यूज पोर्टलले स्थलगत रुपमा रिपोटिङ्ग समेत गरेको थियो ।
समाचार प्रकाशित भएपछि नौवस्ता औद्योगिक क्षेत्र परियोजनाले सो क्षेत्रमा निगरानी बढाउँदा सो क्षेत्रबाट अवैध रुपमा माटो उत्खननमा प्रयोग भएको जेसिभी, ट्याक्टर लगाएतका सवारीलाई नियन्त्रणमा लिन सफल भएको थियो । अनुगमनका क्रममा नौवस्ता औद्योगिक क्षेत्र अन्र्ततको जमिन अवैध रुपमा दोहन गर्दै माटो टिप्पर लगाएतका सवारीमा लोड गरिरहेको पाइएको थियो । सो क्रममा माटो बोक्न प्योग हुने सवारीहरु भागेको तर जेसिभीलाई भने आपूm सहितको टोलीले नियन्त्रणमा लिएर कारवाही गरेको परियोजना प्रमुख पुनले बताए । उनले सो क्षेत्रमा कडा निगरानी तथा स्थलगत अनुगमनलाई तिब्रता दिएपछि अहिले सो क्षेत्र पहिलेको तुलनामा दोहन गरिने क्रम केही कम भएको पाइएको छ ।