काठमाडौं । अमेरिका नेपाली समाज टेक्सास (एनएसटी) को अध्यक्षका लागि राजेन्द्र वाग्ले र कमल सापकोटाले उमेदवारी दर्ता गराएका छन् ।

निर्वाचन समितिले आइतवार साँझ सम्म उमेदवारी दर्खास्तका लागि समय तोकेको थियो । वाग्ले वर्तमान समितिका बरिष्ठ उपाध्यक्ष हुन् । यस्तै सापकोटाले पनि यस अगाडि समाजका लागि काम गरेका थिए ।

टेक्सासमा रहेका नेपालीहरुको ठूलो संस्थाको बरिष्ठ उपाध्यक्षका लागि विवेक कडेल र राजीव राजभाटले उमेदवारी दिएका छन् । उपाध्यक्षमा जनक भण्डारी र ललित गुप्ताको उमेदवारी परेको छ । महासचिवमा तीन जनाको उमेदवारी परेको छ । यस अगाडि अध्यक्षको उमेदवार भनेर चर्चामा ल्याइएकी आईशा ओझा सहित किरण पौडेल र सन्देश उप्रेती मध्ये एक जाना एनएसटीको आगामि महासचिव हुनेछन् ।

सचिवमा मुकेश यादव र हरि खनालको उमेदवारी परेको छ।  कोषाध्यक्षमा दिनेश न्यौपाने र सुदिप ढुङ्गना तथा सहकोषाध्यक्षमा गोपाल गर्तौला र गोविन्द गौतमले उमेदवारी दिएका छन् । ७ सदस्यका लागि १३ जनाको उमेदवारी परेको निर्वाचन समितिले जनाएको छ ।

समाजको निर्वाचन डिसेम्वर २६ तारिकमा हुने छ ।तीन हजार नौ सय ९१ मतदाताले वुथमा स्वयम उपस्थित भएर मतदान गर्नु पर्ने छ ।