३० औँ अन्तर्राष्ट्रिय अपाङ्गता दिवसका अबसरमा कोहलपुरमा १० जना लाई सम्मान गरिएको छ । कोहलपुर महीला तथा बालबालिका कार्यालयको आयोजना तथा डेक नेपाल बाँके , एच आई ,भि एस ओ नेपालको समन्वयमा एक कार्यक्रमको आयोजना गरि सम्मान गरिएको हो । सम्मानित हुनेहरुमा दयाराम बिक , धिरेन्द्र बि।क , गोकर्ण प्रसाद आचार्य , गौरी कुमारी वली , पुर्णिमा शर्मा लगायत रहेका छन् । समावेशी, सुलभ र दिगो, कोभिड–१९ पछिको विश्वतर्फ अपाङ्गता भएका व्यक्तिको नेतृत्व र सहभागिता’ भन्ने नारासहित विश्वभर बिभिन्न कार्यक्रम गरि ३० औँ अन्तर्राष्ट्रिय अपाङ्गता दिवस मनाइएको छ । अपाङ्गता भएकाहरुले भोग्नु परेको समस्यामाथि छलफलसँगै चुनौतीको समाधान निकाल्न, अपाङ्गता सम्बन्धी जागरण फैलाउन र अपाङ्गता भएका व्यक्तिको अधिकार सुनिश्चित गर्ने उद्देश्यका साथ यो दिवस मनाउने गरिएको हो ।उक्त कार्यक्रममा कोहलपुर नगरपालिका प्रमुख लुट बहादुर रावत , सामाजिक बिकास संयोजक नारायणी वली , बिधान समिति संयोजक भिम नेपाली , महीला तथा बालबालिका कार्यालय प्रमुख घटना शाह , लगायतको सहभागिता रहेको थियो ।