बाँकेको कोहलपुर नगरपालिका वडा न ११ लाई आज एक कार्यक्रमका बिच बाल विवाह मुक्त वडा घोषणा गरिएको छ । कोहलपुर नगरपालिका मेयर लुट बहादुर रावत ,कोहलपुर नगरपालिका वडा न ११ का वडा अध्यक्ष कर्ण बहादुर थाप द्वारा संयुक्त्त रूपमा बाल विवाह मुक्त वडा घोषणा गरिएको गरेका हो । कोहलपुर नगरपालिका प्रमुख लुट बहादुर रावतले कोहलपुर नगरपालिका का सबै वडाहरुलाई बाल बिबाह मुक्त वडा घोषणा गर्ने गरि आफुहरुले तयारी गरिरहेको बताउनुभयो । हाल सम्म कोहलपुर नगरपालिका वडा न १२ , वडा न १३ , वडा न १ र वडा न ११ बाल बिबाह मुक्त घोषणा गरिएको र माघ सम्ममा सबै वडाहरुलाई बाल बिबाह मुक्त घोषणा गर्ने तयारी गरेर योजना तथा कार्यक्रमहरु बनाएर अगाडि बढिरहेको रावतले बताउनुभयो । कार्यक्रममा बाल बिबाह मुक्त वडा घोषणाका लागि सहयोग गर्ने प्लान नेपाल ,स्याक नेपाल बाल क्लबका प्रतिनिधि लगायतलाई समेत सम्मान गरिएको छ। कार्यक्रममा बिभिन्न राजनितिक दलका प्रतिनिधि लगायतको सहभागिता रहेको थियो ।