काेहलपुर/नेपाली काँग्रेस काेहलपुर नगरपालिका वडा नं.१०ले जेष्ठ क्रियाशील सदस्यहरूलाई घरमै पुगेर सम्मान गरेकाे छ ।

“घरदैलाे जेष्ठ क्रियाशील सदस्य सम्मान अभियान” अनुसार वडामा रहेका जेष्ठ क्रियाशील सदस्यहरूलाई वडा कार्यसमिले दाेसल्ला र कदर पत्र सहित सम्मान गरेकाे हाे ।

वडा सभापति ओम प्रकाश वर्णवालका अनुसार हिजाे लाेकतान्त्रिक तथा प्रजातान्त्रिक आन्दाेलनमा सक्रिय सहभागिता जनाउँदै नेपाली काँग्रेसकाे संगठन विस्तार एवम् संगठन सुदृढीकरणमा विशेष भूमिका निर्वाह गरेका जेष्ठ क्रियाशील सदस्यहरूकाे याेगदानकाे कदर स्वरूप सम्मान गरिएकाे हाे ।

काेहलपुर नगरपालिका वडा नं.१० सचिव सनत रेग्मीले अब १४ औं महाधिवेशनबाट नेतृत्व हस्तान्तरण हुने भएकाले आफुहरूकाे कार्यकालकाे अन्तिम समयमा जेष्ठ क्रियाशील सदस्यहरूकाे अतुलनिय याेगदानकाे उच्च मूल्यांकन गरेर जेष्ठ क्रियाशील सदस्यलाई सम्मान गर्नुपर्ने संस्कारलाई निरन्तरता दिन पनि जेष्ठ क्रियाशील सदस्यहरूलाई सम्मान गरिएकाे बताए ।

सम्मान कार्यक्रममा नेपाली काँग्रेसका नेता तथा वडाध्यक्ष निम बहादुर चलाउने सहित काँग्रेसबाट निर्वाचित जनप्रतिनिधीहरू, वडा कार्य समिति पदाधिकारीहरू, काँग्रेस क्रियाशील सदस्यहरूकाे उपस्थिती रहेकाे थियाे ।