१७ काठमाडौं

गाईको संरक्षण र सम्बर्द्धनका निम्ति इस्कोन नेपालको प्रस्तुतिमा The Seasons Band का गायक सुजिल कर्माचार्यको लक्ष्मी – चाहना सबैको गीतको म्युजिक भिडियो सार्वजनिक भएको छ। गाई रक्षाको दायित्व बोध गराउने भिडियोले नेपालमा कसरी गाईको तस्करी भईरहेको छ भन्ने मुद्दालाई उठाएको छ।

दीपावलीको अवसरमा सार्वजनिक गरिएको भिडियोले हरेक नेपालीलाई गाई हाम्रो आमा तथा राष्ट्रिय जनावर भएकाले यसको संरक्षण र सम्बर्द्धन गर्नु हामी सबैको जिम्मेवारी रहेको कुरालाई जोड दिईएको छ। गाएक सुजिल कर्माचार्यको स्वर तथा संगीत रहेको गीतमा साधुराम कोईरालाको शब्द रहेको छ भने एरेन्ज पनि कर्माचार्यले नै गरेका हुन।

उक्त म्युजिक भिडियोलाई सोन्जा श्रेष्ठले निर्देशन गरेकी छन। इस्कोन नेपालको अफिसियल युटुब च्यानलबाट सार्वजनिक गरिएको भिडियोमा अनुश्रीय कोईराला तथा उदय बन्जाराको अभिनय रहेको छ भने उक्त भिडियोलाई अनिल के मानन्धरले छायांकन गरेका हुन। साथै देन्सन शाहको सम्पादन रहेको छ । इस्कोन नेपालले सडकमा छाडा छोडिएका गाईको संरक्षण पनि गर्दै आइरहेको एक धार्मिक संस्था हो।

गाई संरक्षण अन्तर्गत रुपन्देहीको तिलोत्तमा मा करिब २ सय ५० छाडा गाई गोरुको संरक्षण गर्दै आएको छ। यदि कसैले गाईको संरक्षणमा सहयोग गर्न चाहेमा सनराइज बैक को बुढानिलकण्ठ शाखाको इस्कोन नेपाल को ०२३०२३२१७२७०१००२ खाता मा जम्मा गर्न सक्नु हुन्छ।