काठमाडौं १७ कात्तिक। 

कर्णाली प्रदेशको मुख्यमन्त्रीमा कांग्रेसका जीवनबहादुर शाही नियुक्त हुनुभएको छ।  मंगलबार प्रदेश प्रमुख गोविन्द प्रसाद कलौनी समक्ष आफ्नो दाबि पेश गरेका शाहीलाई  संविधानको धाारा १६८ (२) अनुसार मुख्यमन्त्रीमा शाहीलाई नियुक्त गर्नुभएको हो।   नवनियुक्त मुख्यमन्त्री जीवनबहादुर शाहीले देश प्रमुख गोविन्दप्रसाद कलौनीसमक्ष  आजै पद तथा गोपनीयताको शपथ लिनुभएको छ ।

कांग्रेस नेता जीवनबहादुर शाहीले नेकपा माओवादी केन्द्र र नेकपा एकीकृत समाजवादीका समेत गरी २१ सांसदको साथ  रहेको छ।  गत वैशाख ३ मा  भएको सहमति अनुसार महेन्द्रबहादुर शाहीले  कात्तिक १५ गते  राजिनामा दिदै  जीवन बहादुर शाही लाइ  सत्ता हस्तान्तरणको बाटो खुला गर्नुभएको थियो।

सत्ता साझेदार दल नेपाली कांग्रेसका छ, नेकपा (माओवादी केन्द्र) का १२ र नेकपा (एकीकृत समाजवादी) को तीनसहित २१ प्रदेशसभा सदस्यको समर्थनमा आज दिउँसो ४ः०० बजे मुख्यमन्त्रीमा नेता शाहीले प्रदेश प्रमुख कलौनीसमक्ष दाबी पेस गर्नुभएको थियो ।

कर्णाली प्रदेशसभामा हाल ३५ सदस्य छन् । सत्ता गठबन्धन दलमध्ये कांग्रेसका छ, नेकपा माओवादी केन्द्रका १२ र नेकपा (एकीकृत समाजवादी) का तीन प्रदेशसभा सदस्य गरी २१ जना छन् । प्रदेशसभामा नेकपा एमालेका भने सभामुखसहित १३ र राप्रपाका एक सदस्य रहेका छन् ।

आजै मात्र प्रदेश नं १ मा राजेन्द्र कुमार राई मुख्य मन्त्रीमा नियुक्त हुनुभएको छ।